High-Speed Packet Access (HSPA) mangrupa sakumpulan protokol telepon mobil anu ngalegakeun sarta ngaalusan unjuk gawé protokol UMTS nu aya kiwari. Kiwari geus aya dua standar pikeun HSPA nyaéta HSDPA jeung HSUPA. Standar HSPA satuluyna anu disebut HSOPA ayeuna keur dipigawé.
| Standar telepon mobil jeung data |
| Kulawarga GSM / UMTS
|
| 2G |
| 3G |
Pre-4G
|
| Kulawarga cdmaOne / CDMA2000
|
| 2G |
3G
|
Pre-4G
|
| Tehnologi sejen
|
0G
|
| 1G |
| 2G |
| Pre-4G |
| Pita frékuénsi
|
Standar HSDPA jeung HSUPA nawarkeun paningkatan unjuk gawé ku cara ngahadéan pola modulasi sarta ngaalusan deui protokol anu numbukeun handset jeung base station. Paningkatan ieu mawa kana kahadéan dina pamangfaatan rubakpita radio nu ditawarkeun ku UMTS kiwari.
Jumlah jaringan 3.5G komérsial - anu katelah ogé jaringan High-Speed Downlink Packet Access, atawa HSDPA, tumuwuh 69% dina taun 2007. Kiwari aya 166 jaringan HSDPA komérsial di 75 nagara. Tilu puluh dalapan jaringan tambahan rancanana rék diamparkeun, anu baris ngaronjatkeun jumlah jaringan HSDPA jadi 240 di 89 nagara. Jaringan HSDPA komérsial sumebar di Éropah Kulon (61 jaringan), Asia Kidulwétan (35), Éropah Wétan (34), Timur Tengah jeung Afrika (20), sarta Amérika jeung Karibia (16). Ampir dua pertilu (62%) jaringan HSDPA komérsial nu aya nyadiakeun laju downlink saeutikna sagancang 3.6Mbps, sedengkeun leuwih ti saperlimana (21%) nawarkeun laju downlink sagancang 7.2Mbps. .[1]
Jaringan HSPA bisa diamparkeun maké software jaringan 3G nu aya kiwari tapi kudu ditingkatkeun kamampuhna, hasilna leuwih unggul batan WiMax anu merlukeun infrastruktur jaringan husus. Ngaronjatna panjualan terminal mobil nu bisa HSPA sarta subsidi anu dilakukeun ku operator pikeun biaya hardware ngabantu ngagerakkeun pasar 3.5G. .[1]
HSDPA sacara téori nawarkeun paningkatan unjuk gawé down-link nepi ka 14.4 Mbit/s. Pamasangan jaringan nu aya kiwari nawarkeun nepi ka 7.2 Mbit/s dina sinyal down-link. Unjuk gawé laju sinyal up-link sagedé-gedéna 384 kbit/s.
Pikeun alesan operasional, para panyadia layanan HSDPA bisa nurunkeun laju datana jadi maksimum 3.6 Mbit/s anu mangrupa laju data anu bisa dilakukeun ku lolobana handset. Layanan sora biasana dijadikeun prioritas manan pangiriman data. Jaringan VIPnet di Kroasia nawarkeun laju 7.2 Mbit/s pikeun sinyal down-link. Di Koréa Kidul, SK Telecom katut KTF kiwari keur ngawangun jaringan anu nawarkeun laju 7.2Mbit/s di sakuliah nagri. Di Hong Kong, PCCW ogé nawarkeun jaringan anu lajuna 7.6Mbit/s.
HSUPA nawarkeun unjuk gawé laju sinyal up-link nepi ka 5.76 Mbit/s sacara téoritis. Di Singapura, Starhub ngumumkeun layanan HSUPA 1.9 Mbit/s salaku bagian tina rancana anyar MaxMobile dina tanggal 1 Agustus 2007 Archived 2007-10-30 di Wayback Machine. Di Finlandia, Elisa ngumumkeun layanan HSUPA 1.4 Mbit/s dina tanggal 30 Agustus 2007 ka kota-kota gedé kalayan rancana pikeun nambahkeun éta layanan kana sakabéh jaringan 3G bogana dina waktu itungan bulan. .
Evolved HSPA ditetepkeun dina standar 3GPP release 7. Ieu standar nawarkeun arsitéktur jaringan mobil anu museur kana IP (IP centric) anu bisa ngalakukeun bypassing lolobana alat télékomunikasi nu aya kiwari (warisan) sarta ningkatkeun laju pangiriman datana.
HSOPA kiwari keur dimekarkeun, dimaksudkeun pikeun ngahontal laju pangiriman data sagancang 100 Mbit/s pikeun sinyal downlink sarta 50 Mbit/s pikeun sinyal up-link.
- Global mobile Suppliers Association
- WiMax
- 3.5G driving rapid mobile broadband growth[tumbu nonaktif].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
