![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/08/Polycrystalline-germanium.jpg/640px-Polycrystalline-germanium.jpg&w=640&q=50)
Gérmanium
From Wikipedia, the free encyclopedia
Gérmanium nyaéta hiji unsur kimia dina tabél périodik anu miboga lambang 32 jeung nomor atom 15.[1] Gérmanium murni mangrupa métaloid anu sifatna heurat, getas, ngagurilap, sarta warna bodas kulawu.[2] Ieu unsur miboga sifat kimia jeung fisika mirip silikon.[2] Gérmanium stabil di udara jeung cai, sarta teu kapangaruhan ku asam jeung basa, iwal asam nitrat.[2] Gérmanium teu sayaga loba di alam.[2] Dina prosés geologi, ieu unsur henteu loga ngasosiasi jeung mineral sangkan sumebaranna lega pisan, tapi konséntrasina mah handap pisan.[2] Bijih gérmanium kaasup langka.[2] Bijih anu pangilaharna kapanggih mah nyaéta gérmanite anu mangrupa tambaga beusi gérmanium sulfida ku kandungan kurang leuwih 8% gérmanium.[2] Tapi ieu bijih gé biasana mah tara ditambang.[2] Gérmanium sumebar di bijih logam lian, siga séng, antukna gérmanium utamana mah dibeunangkeun minangka produk tatambah tina pangolahan mangrupa-rupa bijih logam séjén.[2]
![Thumb image](http://upload.wikimedia.org/wikipedia/commons/thumb/0/08/Polycrystalline-germanium.jpg/640px-Polycrystalline-germanium.jpg)