Délman
nyaéta kandaraan transportasi tradisional nu rodana dua / From Wikipedia, the free encyclopedia
Délman nyaéta kandaraan transportasi tradisional nu rodana dua, tilu atawa opat anu teu maké mesin tapi maké kuda minangka panggantina. Variasi alat tranportasi anu maké kuda séjénna nyaéta karéta perang, karéta kéncana jeung karéta kuda. Di Tatar Sunda sorangan ieu kandaraan téh disebut délman, sado atawa kéréték[1].
Ngaran ieu kandaraan téh asalna tina ngaran panimuna, nyaéta Charles Théodore Deeleman, saurang litografer jeung insinyur di Hindia Walanda.[2]. Urang Walandana sorangan nyebut ieu kandaraan téh ku ngaran dos-à-dos (tonggong dina tonggong, arti harfiah basa Perancis, nyaéta sarupa anu posisi diuk panumpangna patonggong-tonggong. Éta istilah dos-à-dos téh tuluy ku pangeusi pribumi Batavia mah disingget jadi ‘sado’[3][4]