![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/22/3-Tasten-Maus_Microsoft.jpg/640px-3-Tasten-Maus_Microsoft.jpg&w=640&q=50)
Beubeuritan
pakakas komputer / From Wikipedia, the free encyclopedia
Beubeuritan (Basa Indonésia: Tetikus; Basa Inggris: Mouse) mangrupa salah sahiji pakakas teuas komputer anu miboga kagunaan pikeun ngoyagkeun tutunjuk (pointer) atawa panah panunjuk sarta méré asupan paréntah kana komputer dina naon baé anu bakal dilakukeun pamaké ku tutunjuk éta.[1] Pamakéan tutunjuk jeung beubeuritan teu bisa leupas dina kagiatan uprak-oprék komputer.[1] Milih berkas (file), ngaéksékusi program, sarta paréntah-paréntah komputer lianna ampir kabéh ngabutuhkeun bantuan beubeuritan atawa tutunjuk pikeun ngalakukeunna.[1] Tanpa ayana beubeuritan ogé masih bisa kénéh dilakukeun, pédah teu bisa gancang sakumaha maké beubeuritan.[1] Beubeuritan ogé bisa diatur pikeun pamaké leungeun kénca anu leuwih dominan atawa kidal.[1] Pikeun pamaké kidal béda fungsina nyaéta ngan nukeurkeun tombol klik kénca jadi klik katuhu, klik katuhu jadi klik kénca.[1]
![Thumb image](http://upload.wikimedia.org/wikipedia/commons/thumb/2/22/3-Tasten-Maus_Microsoft.jpg/640px-3-Tasten-Maus_Microsoft.jpg)