From Wikipedia, the free encyclopedia
Hannover (Plat mongs Hannober) is een Stääd in dät Noude fon Düütsklound. Ju Stääd lait an ju Äi Leine un hiede in 2011 509.485 Ienwoonere. Twiske 1814 un 1866 waas Hannover ju Haudstääd fon dät Köönichriek Hannover. Aleer wude deer Läichsaksisk ("Platdüütsk") boald, man däälich is dät aiske säilden wuden. Ätter wäkke Studien in Düütsklound skällen do Ienwoonere dät "bääste Hoochdüütsk" baale, man foar Bupperloundske is die "noudelke Toonfaal", die fon dät Läichsaksiske uurich blieuwen is, tjuudelk tou heeren, juust so as wäkke grammatikoalske Oainhaide. Däälich is Hannover ju Haudstääd fon dät Buundeslound Läichsaksen. Et rakt groote industrielle Unnerniemengen so as Volkswagen, Continental Volkswagen, Continental (Autobeende), Varta (Batterien), un TUI (Froamdeferkier).
| Hannover | ||
 | ||
| Statistieke | ||
| Ienwoonertaal | 522.686 (2010) | |
| Fläche | 204,14 km² | |
| Befoulkengstichte | 2560 km² | |
| Höchte | 55 M. buppe N.N. | |
| Politik | ||
| Lound | Düütsklound | |
| Buundeslound | Läichsaksen | |
| Buurmäster | Stephan Weil SPD | |
| Uur | ||
| Postleittaal | 30159-30669 | |
| Tiedzone | UTC +1 | |
| Websiede | www.hannover.de | |
Ju Region Hannover is ne besunnere Ferwaltengseenhäid. As Kommunalverband besonderer Art bestoant ju Region Hannover uut dän fröiere kringfräie Stääd un uur Loundkringe, do aal touhoope föiged wuuden sunt.
Hannover 96 is n gjucht bekoande Foutbalplouch fon Hannover. Ju Monskup is sänt 2002 wierumme in ju düütske Buundesliga. Hannover 96 spielt in ju AWD-Arena, ju Ruumte häd foar 49.000 Ljuude. Hannover is uk bekoand uum sien Hannover Messe, ju sänt 1947 älk Jier heelden wäd. In 2000 wuude ju Expo 2000 in Hannover heelden. N bekoand Bauwierk fon ju Expo is die "Pavillon der Hoffnung". Uur bekoande Bauwierke in ju Stääd sunt dät Kunstlerhuus, dät Leineschloss, ju Määrkedsäärke un dät Bauwierk fon ju Nouddüütske Loundesbank. Unner do "Herrenhäuser Gärten" häd me sik een gjucht froaie Barok-Tuun-Anlääse foartoustaalen. Ju Basilika St. Clemens waas ju eerste katoolske Säärke in Hannover ätter ju Reformation. In ju Noacht fon n 8. ap dän 9. Oktober 1942 wuude ju Säärke bie aan Luchtangriep fernäild. Ätter dän Twäide Waareldkriech wude ju Säärke wierapbaud.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
