From Wikipedia, the free encyclopedia
Tschipko (Schipkau, sorbisk Šejkow) is ne Meente in dät Suude fon Brandenbuurich tichte bie do Stääde Senftenberg un Cottbus in ju Niederlausitz. Schipkau waas n düütsken Noome, foar dät Jier 1937 waas dät Zschipkau, uut Ischibka → ooldnoudisk Isrebka (dät Whisky), in dät Jier 1332 is dät Tschipko, un dät hat ap Sorbisk Šejkow.
Tschipko Schipkau Šejkow | |
---|---|
Basisdoaten | |
Besirk | 72,91 km² |
Ienwoonere | 7535 (31/12/2006) |
Ienwoonere per km² | 103 |
seenivo | 109 m |
Postleitzahl | 01993 |
Vorwahl | 035754 |
KFZ | OSL |
Gemeindeschlüssel | 12 0 66 285 |
Adresse (düütsk) | Schulstr. 4 01993 Schipkau/ OT Klettwitz |
Regear | |
NUTS | DE3 |
Lound | Düütsklound |
Bundeslound | Brambuurich |
Ferwaltenge | 6 Ortan un 5 Sydel |
Buurmäster | Siegurd Heinze |
Webside | www.schipkau.de |
Dät näie Woapen wäd in ju Midde fon n „S“ - oardigen Twiech fon n Hoagebuttenstruuk unnerdeeld. Dät „S“ stoant foar dän Ounfangsboukstäf fon ju Meente „S“chipkau. Die Hoagebuttenstruuk as regionoal heemske Plonte, ju sik nu wier ap do rekultivierde Flächen uutsprat häd, symbolisiert tougliek dät touhoopewoaksen fon do säks Deele fon ju Meente. Disse sunt as säks Hoagebutten teekend. In dän linken unneren Haaldeel fon dät Woapen is n Bierichwierksymbol tou sjoon. In dän gjuchts in dän Bupperhaaldeel is ne swott-wiet karierde Start- un Siel-Flaage tou sjoon, ju dät Symbol foar ju Äntwikkelenge fon ju Meente foarallen fon dän Tourismus, is. Dät Symbol wuude deerfoar nuumen, wült dät in ju Meente uk n Motoorsport-Wai rakt.
Ju Meente Tschipko heert tou dän Loundkring Oberspreewald-Lausitz in n suudelken Deel fon dät Buundeslound Brandenbuurich. Ju Stäädgränse fon Dresden kumt ätter so'wät 50 Kilometer un Berlin in Dresdens erreicht man in 40 Minuten (ca. 50 km) und Berlin ätter so'wät 100 Kilometerr. Ju Meente is in ju Läich-Lausitziske Bruunkooleregion. Die EuroSpeedway Lausitz as multifunktionoale Motorsport-, Spoas- un Tästanloage is in dät Meentegebiet.
Ienwooneräntwikkelenge fon ju Meente Tschipko fon 2001 bit 2005[1] | |||
---|---|---|---|
Jahr | Ienwoonere | Jahr | Ienwoonere |
2001 | 8350 | 2002 | 8176 |
2003 | 8028 | 2004 | 7808 |
2005 | 7605 | ||
Ju Meentefertreedenge bestoant uut 27 Räidsljuude un dän Buurmääster.
(Stand: Kommunoalköär an n 26. Oktober 2003)
Die lokoale Sportfereen Askania Schipkau (SV Askania Schipkau 1911 e.V.) moaket ieuwenske Foutbal uk Keegelbillard, Gymnastik un Kraftsport. Buppedeem rak dät dän "Kegelsportverein Schipkau e.V." Ap ne 4-Boane-Anloage nieme 2 Mon- un 2 Wieuwmonskuppe an Wäddkampe deel. Do grattere Ärfoulge hiede ju eerste Wieuwmonskup in ju twäide Bundesliga.
Der Sportfereen drächt dät oolde Woapen.
1992 wuude die Pool-Billard-Club Schipkau gruunded. In dät Jier 2006 kreech die Fereen in dät "Bürgerhaus" näie Koomere, wier sik n eepenen Spilbedrieuw realisierje liet. Die Clup häd Ärfoulch in ju twäide Bundesliga Nord.
Ieuwenske dät rakt dät in Hörlitz dän Foutbalfereen "FSV Empor Hörlitz e.V." fon 1962.
Nit fier fon ju Meente is ju Autoboan A 13 mäd do Anslus-Steeden Klettwitz, Schwarzheide, Ruhland un Großräschen. Uk nai bie ju Meente sunt dooBuundessträiten 169 un 96. Truch dän Uumwai uum Senftenberg kreech Hörlitz n direkten Anslut an ju Buundessträite B 169.
Ätter ju Be-eendenge fon ju Bruunkoolegewinnenge wuude ju Meente in do lääste Jiere tou ne Motoorsportmeente äntwikkeld. Die EuroSpeedway Lausitz un dät DEKRA Technology Center modernisierje derbie foarallen ju Wirtschaft.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.