![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/40/Dachau_watchtower_b_1945-04.jpg/640px-Dachau_watchtower_b_1945-04.jpg&w=640&q=50)
Konzentratsjoonsleeger Dachau
From Wikipedia, the free encyclopedia
Dät Konzentratsjoonsleeger Dachau bestuude fon dän 22. Meerte 1933, bit dät ap dän 29. April 1945 fon US-amerikoanske Suldoaten befräid wuuden is. Dät waas dät eerste Leeger in ju NS-Diktoatuur, wier ju aleenige Gjuchtsspreekenge bie aan SS-Leegerkommandant liech un somäd jäildend Gjucht buute Funktsjoon sät wuuden is.
![Thumb image](http://upload.wikimedia.org/wikipedia/commons/thumb/4/40/Dachau_watchtower_b_1945-04.jpg/640px-Dachau_watchtower_b_1945-04.jpg)
In't KZ Dachau sunt touminst 200.000 Ljuude fangen heelden wuuden. Dät wieren tou Begin politiske Juunsättere, man leeter uk fuul Juuden un uur Ferfoulgede. Sowät 41.500 Ljuude sunt binne dät Leeger direkt uumebroacht wuuden of stoorwen oun do stuure Bedingengen, wier sik Kroankhaide as biespilswiese Typhus uutspreede kuuden. Buppedät sunt masse Ljuude, do deer fangen sieten, foar'aaln Juuden, in sonaamde Fernäilengsleegere (Vernichtungslager) fäärebroacht un junner in Massen möärend wuuden.