aktor From Wikipedia, the free encyclopedia
Vasian Lami (lindur më 20 maj 1957 në Tiranë) është aktor në Teatrin Kombëtar[1] me aktivitet teatral dhe në kinema, regjisor[2] dhe dublues filmash shqiptar[3]. Diplomohet në vitin 1982 për aktrim në Akademinë e Arteve në Tiranë me nota të shkëlqyera. Që nga ky vit punon në Teatrin Kombëtar duke realizuar gjatë kësaj periudhe një galeri rolesh jo vetem në teatër, por edhe në film. Ka mbledhur në arkivin e tij artistik mbi pesëdhjetë role. Ka luajtur në filma dhe pjesë teatrale, përkrah korifejve të kinemasë shqiptare, Sulejman Pitarkës, Sandër Prosit, Tinka Kurtit, Pjetër Gjokës apo Ndrekë Lucës. Personazhi i tij i parë në teatër është roli i Jakobinit tek drama "Shpërthime pranverore" e Bashkim Hoxhës, por ka pasur aktivitet të dendur deri tani, duke interpretuar në pjesë të Sofokliut,[4] Shekspirit,[5] Sam Shepardit,[6] Vaclav Havelit[7] apo Viktor Hygosë.[8] Në kinematografi debutoi tek "Qortimet e Vjeshtes". Është i martuar dhe ka një vajzë,[3][nevojitet citimi] dhe së fundmi, bashkë me aktorë të tjerë të njohur, luajti në filmin e 2015-ës "De l'autre côté de la mer" (Në anën tjetër të detit) të regjisorit zviceran Pierre Maillard.[9]
Seamless Wikipedia browsing. On steroids.