From Wikipedia, the free encyclopedia
Universiteti i Prizrenit është universiteti i dytë publik në Kosovë, me seli në Prizren dhe i cilësuar si universitet ndërkombëtar që pranon studentë perveç nga Kosova edhe nga vendet e rajonit.
 | |
| Latin: Universitas Prizreniensis | |
| Lloji | Publik Nivele studimi: Bachelor, Master, Doktoraturë |
|---|---|
| Themelimi | 7 dhjetor 1962 (SHLP) 1 tetor 2010 (UPZ) |
| Rektori | Prof.Asoc.Dr. Mentor Alishani |
| Location | , |
| Kampusi | Urban, Decentralizuar |
| Faqja zyrtare | http://uni-prizren.com |
Universiteti “Ukshin Hoti” me seli në Prizren, është themeluar me vendimin nr. 01/87 të Qeverisë së Republikës së Kosovës më datën 09.10.2009 si universiteti i dytë publik në Republikën e Kosovës i cili filloi me gjeneratën e parë të studentëve më 01.10.2010.
Kuvendi të Republikës së Kosovës më 30.05.2013 miratoi Statutin e Universitetit “Ukshin Hoti” me seli në Prizren.
Universiteti “Ukshin Hoti” me gjashtë njësitë akademike që ka aktualisht ofron studime në ciklin Baçelor dhe Master ndërsa në bazë të statutit i njëjti mund të organizoj edhe studime doktorale. Përveç Studimeve në gjuhën mësimore shqipe Universiteti ofron studime edhe në gjuhën mësimore turke dhe boshnjake.
Universiteti trashëgon përvojën e ish Shkollës së Lartë Pedagogjike, që funksionon nga tetori i vitit 1961, më vonë si Fakultet i Edukimit dega në Prizren, tani Universiteti “Ukshin Hoti” Prizren.
Qyteti i Prizrenit, seli e këtij universiteti, me ligjin nr. 06L/-012 neni 4 pika 2 është shpalluar Kryeqyteti historik i Republikës së Kosovës, i cili njihet normalisht përveç për historikun e tij të pasur po ashtu edhe për multi etnicitet dhe trashëgimi e kulturë jo vetën në Republikën e Kosovës por edhe me gjerë.
Qyteti i Prizrenit po ashtu është qyteti i dytë më i madh pas Prishtinës, i cili në bazë të statistikave është qyteti më i vizituar në vend, shtrihet në pjesën jugore të Republikës së Kosovës, duke qenë qyteti më i afërt me Republikën e Shqipërisë për shtetasit e të cilit ky qytet por edhe universiteti “Ukshin Hoti” janë mjaft joshës dhe atraktiv.
Universiteti i Prizrenit “Ukshin Hoti” në Prizren (UPZ) ka nisur punën në vitin 2010 pas vendimit të Qeverisë së Kosovës për themelim. Selia e Universiteti është në Prizren, njëri nga qytetet më të lashta të Kosovës. UPZ-ja është Universiteti i dytë publik në Kosovë. Në vitin 2010 numri i studentëve ishte afër 1.700, ndërsa në vitin 2023 numri i studentëve është rreth 3000 studentë aktiv. Universiteti është i akredituar që nga viti 2010. Momentalisht Universiteti ofron studime në ciklin Baçelor dhe Master.[1]
Universiteti “Ukshin Hoti” në Prizren, është institucion akademik e konkurrues i orientuar në ofrimin e edukimit cilësor duke zhvilluar kërkime shkencore dhe duke kontribuar në inovacion, në përputhje me kërkesat e tregut të punës dhe komunitetit ku vepron në nivel lokal, kombëtar dhe më gjerë.
Universiteti ndërton vizionin duke u mbështetur në parimin e vlerave edukativo-kërkimore, përparësive krahasuese të diversitetit etnik, gjuhësor dhe kulturor, me qëllim të krijimit të një qendre të ekselencës akademike e cila do t’i shërbejë studentëve, hulumtuesve dhe shoqërisë në fushat e TI, agrobiznesit dhe mjedisit, menaxhmentit dhe administrimit të biznesit, drejtësisë, gjuhësisë dhe edukimit.
| Nr. | Fakulteti / Programet e studimit | Niveli | ECTS |
| I. Fakulteti Ekonomik | |||
| 1. | Administrim Biznesi | BSc. | 180 |
| 2. | Biznes Ndërkombëtar | BSc. | 180 |
| 3. | Administrim Biznesi | MSc. | 120 |
| II. Fakulteti i Shkencave Kompjuterike | |||
| 4. | Teknologji Informacioni dhe Telekomunikimi | BSc. | 180 |
| 5. | Teknologji Informacioni dhe Telekomunikimi (Boshnjake) | BSc. | 180 |
| 6. | Teknologji Informacioni dhe Telekomunikimi (Turke) | BSc. | 180 |
| 7. | Shkenca Kompjuterike dhe Teknologji Komunikimi | MSc. | 120 |
| III. Fakulteti i Shkencave të Jetës dhe Mjedisit | |||
| 8. | Agrobiznes | BSc. | 180 |
| 9. | Shkencat e Pyjeve dhe Mjedisit | BSc. | 180 |
| 10. | Menaxhim në Agrobiznes | MSc. | 120 |
| IV. Fakulteti i Edukimit | |||
| 11. | Edukim Parashkollor | BA | 240 |
| 12. | Edukim Parashkollor (Boshnjake) | BA | 240 |
| 13. | Edukim Parashkollor (Turke) | BA | 240 |
| 14. | Edukim Fillor | BA | 240 |
| 15. | Edukim Fillor (Boshnjake) | BA | 240 |
| 16. | Edukim Fillor (Turke) | BA | 240 |
| V. Fakulteti Juridik | |||
| 17. | Juridik i Përgjithshëm | LLB | 240 |
| VI. Fakulteti i Filologjisë | |||
| 18. | Gjuhë dhe Letërsi Shqipe | BA | 240 |
| 19. | Gjuhë dhe Letërsi Angleze | BA | 240 |
| 20. | Gjuhë dhe Letërsi Gjermane | BA | 180 |
Drejtimet:
Nivelet:
Drejtimet:
Programet:
Programet:
Universiteti i Prizrenit është i angazhuar për të mbështetur të gjithë studentët e tij. Zyra e shërbimeve studentore mbikëqyr shumë prej ngjarjeve si janë: shërbimet, programet dhe iniciativat që zhvillohen në Universitetin e Prizrenit.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
