Franck Ribéry
futbollist francez From Wikipedia, the free encyclopedia
Franck Henry Pierre Ribéry (lindi më 7 prill 1983) është futbollist francez i cili luan për klubin gjerman Bayern München. Ai ishte lojtarë në kombëtaren franceze. Ai më shumë preferon të luajë si mesfushor i krahut të majtë. Kur u bashkua me Bayern München, ai u bë i njohur si një nga lojtarët më të mirë francez të gjeneratës së tij.
 Ribéry më Francën. | |||
| Personal information | |||
|---|---|---|---|
| Emri i plotë | Franck Henry Pierre Ribéry[1] | ||
| Data e lindjes | 7 prill 1983 (42 vjeç) | ||
| Vëndi i lindjes | Boulogne-sur-Mer, Francë | ||
| Gjatësia | 1.70 m (5 ft 7 in) | ||
| Pozicioni(et) | Mesfushor i krahut majtë, Mesfushor sulmues | ||
| Informacioni i skuadrës | |||
Skuadra aktuale | Salernitana | ||
| Number | 7 | ||
| Karriera rinore | |||
| 1989–1996 | Conti Boulogne | ||
| 1996–1999 | Lille | ||
| 1999–2000 | Boulogne | ||
| Karriera e lartë* | |||
| Vitet | Team | Apps | (Gls) |
| 2000–2002 | Boulogne | 28 | (6) |
| 2002–2003 | Alès | 19 | (1) |
| 2003–2004 | Brest | 35 | (3) |
| 2004–2005 | Metz | 20 | (1) |
| 2005 | Galatasaray | 14 | (0) |
| 2005–2007 | Marseille | 60 | (11) |
| 2007–2019 | Bayern München | 219 | (72) |
| 2019–2021 | Fiorentina | 50 | (5) |
| 2021– | Salernitana | 24 | (0) |
| Karriera ndërkombëtare | |||
| 2004–2006 | Franca U21 | 13 | (2) |
| 2006–2014 | Franca | 81 | (16) |
| *Ndeshjet dhe golat në ligën vendase të klubeve | |||
Karriera me klube
Vitet e para
Ribéry filloi karrierën e tij futbollistike në moshën gjashtë vjeçare duke luajtur për sektorin e të rinjëve të klubit amator FC Conti de Boulogne-sur-Mer.[2][3] Pas një qëndrimi shtatë vjeçar, në vitin 1996, ai u bë pjesë e klubit profesionist Lille, të cilët në atë kohë luanin në divizionin e dytë. Të Lille, ai shkëlqeu në aspektin sportiv, por shfaqi probleme disiplinore dhe akademike, gjë që bëri që klubi ta hiqte.[2][4] Në vitin 2012, në një konferencë për shtyp para ndeshjes së Bayernit në Ligën e Kampioneve kundër Lille në vitin 2012, Ribéry shpjegoi se atë e hoqën nga akademia e Lille për shkak se theu brrylin, duke shtuar se zyrtarët e klubit kishin bërë përpjekje për ta hequr më parë për shkak se ishte "shumë i vogël fizikisht".[5]
Pas largimit nga Lille, Ribéry u rikthye në vendlindje dhe u bë pjesë e klubit më të madh të qytetit, US Boulogne. Ai luajti fillimisht për një vit me ekipin rezervë dhe më pas u vendos në ekipin e parë. Ribéry luajti vetëm katër ndeshje në sezonin e tij debutues për Boulogne, e cila në kohë luantë në divizionin e katërt francez. Ekipi në përfundim të sezonit siguroi ngjitjen në Championnat National.[6] Në sezonin e tij të dytë, Ribéry u aktivizua në 25 ndeshje dhe shënoi pesë gola. Pavarësisht se Boulogne u rrëzua nga kategoria pasi e mbylli kampionatin në vendin e 17të, paraqitjet pozitive të Ribéry bënë që ai të transferohej te Olympique Alès, duke qëndruar në divizionin e tretë.[7] Në sezonin e vetëm me Alès, Ribéry luajti 18 ndeshje dhe shënoi një gol.[8]
Edhe pse Alès e mbylli kampionatin në një vend të sigurtë, ata u rrëzuan në Division d'Honneur, divizionin e gjashtë, nga DNCG asi klubi shpalli falimentimin.[9] Kjo ngjarje bëri që Ribéry të transferohej te Stade Brest, një tjetër klub që militonte në divizionin e tretë. Pas kalimit te Brest, Ribéry u konsolidua si një nga lojtarët më të mirë të kampionatit, duke regjistruar 35 ndeshje dhe 3 gola.[10] Paraqitjet e tij pozitive por edhe të ekipit bënë që Brest t'a mbyllte kampionatin në vendin e 2të, duke siguruar ngjitjen në Ligue 2.[3]
Pavarësisht suksesit me Brest, Ribéry synonte të luante në Ligue 1, e cila ishte elita e futbollit francez. Synimi i tij u realizua kur trajneri i Metz, Jean Fernandez, e solli në skuadër me parametra zero.[3] Ribéry qëndroi vetëm në gjysmën e parë të sezonit te Metz, gjatë sē cilës u shpall lojtari i muajit në gusht 2004. Goli i tij i vetëm në kampionat erdhi më 6 nëntor në barazimin 1–1 kundër Toulouse.[11] Ribéry u dallua për lojën e tij në të djathtë, duke bërë që tifozët e Metz t'a krahasonin me Robert Pires, i cili në të kaluarën kishte luajtur me klubin.[4] Pasi negociatat për rinovimin e kontratës dështuan, Ribéry u transferua në Turqi te Galatasaray, duke firmosur për tre vite e gjysëm më 1 shkurt 2005.[12]
Galatasaray
Ribéry u soll te Galatasaray nga trajneri Gheorghe Hagi; në pjesën e dytë të sezoni4 2004–05, ai luajti katërmbëdhjetë ndeshje me ekipin që e mbylli kampionatin në vendin e 3të. Gjatë kohës së tij në klub, tifozët i vendosën pseudonimin "Ferraribery", duke j'u referuar shpejtësisë së tij me top dhe shenjës në fytyrê.[13][14][15][16] Në Kupën e Turqisë, Ribéry ishte protagonist në fitoren 5–1 kundër ekipit rival Fenerbahçe në finale; ai shënoi golin e parë në minutën e 16të dhe asistoi të dytin. Ai u zëvëndësua në minutën e 52të kur Galatasaray po fitonte 3–1. Ky ishte trofeu i parë madhor në karrierën e tij.
Kalimi te Marseille dhe vendimi i CAS
Më 15 qershor 2005, Ribéry njoftoi se ai do të transferohej te Marseille në një marrëveshje pesë-vjeçare, duke u rikthyer në Ligue 1; ai gjithashtu u ribashkua me trajnerin Jean Fernandez. Ky njoftim surprizoi Galatasarayn pasi francezi kishte edhe tre vite të tjera kontratë me klubin turk, të cilët i paguan Metz 2 milion € më 30 mars për ta bërë transferimin përfundimtar.[17] Ribéry deklaroi se ai nuk kishte marrë rrogat që klubi turk i detyrohej, dhe i kërkoi FIFAs, organit qeverisës më të madh të futbollit, që t'i anullonte kontratën. Ai gjithashtu shtoi se, gjatë një pike të sezonit, ai u kërcënua me një shkop bejzbolli nga ish agjenti i tij dhe nga një drejtues i Galatasarayt.[18] Një ditë para se të njoftonte rikthimin në Francë, zyrtarët e Galatasarayt dhe trajneri Eric Gerets akuzuan lojtarin se kishte tradhëtuar klubin si dhe shtuan se do t'i kërkonin FIFAs të hetonin situatën.[17][19]
Në korrik 2005, FIFA mbajti anën e Ribéry dhe hodhi poshtë pretendimet e Galatasarayt se lojtari ishte në faj. Si kundërpërgjigje, Galatasaray njoftoi se do ta apelonte vendimin e FIFAs te Gjykata Arbitrare Sportive (CAS). Më 25 prill 2007, apeli i tyre u hodh poshtë nga gjykata e cila deklaroi në një deklaratë se Ribery kishte ndërprerë kontratën e tij me klubin turk në fund të sezonit 2004–05 për arsye të drejta dhe se Galatasaray nuk kishte të drejtë për ndonjë kompensim. Galatasaray kishte kërkuar 10 milion € kompensim nga Marseille.[20]
Sezoni 2005–06
Pas mbërritjes në klub, Ribéry j'u dha fanella me numrin 7. Ai debutoi zyrtarisht më 30 korrik në suksesin 2–0 kundër Bordeaux, duke marrë një karton të verdhë.[21] Goli i tij i parë me Marsejezët erdhi më 17 shtator në fitoren 2–1 në shtëpi kundër Troyes.[22] Dy javë më vonë, Ribéry shënoi rresht në fitoret kundër Metz dhe Nice.[23][24] Më 17 nëntor, Ribéry shënoi golin e dytë të fitores 2–1 kundër Nantes, duke mposhtur portierin kundërshtar me një gjuajtje nga rreth 35 metra distancë.[25] Ky gol u zgjodh si goli i sezonit nga tifozët.[26]
Në Kupën e Francës, Ribéry performoi mirë, fillimisht duke shënuar një dopietë në suksesin 3–1 kundër Le Havre dhe më pas një gol në fitoren 2–1 kundër Rennais në gjysëm-finale, duke ndihmuar Marsejen të shkonte në finale ku u përballën me rivalët e Le Classique, Paris Saint-Germain. Kjo ishte finalja e kupës e dytë rresht për të.
Jeta personale
Vëllezërit e tij François dhe Steve janë gjithashtu futbollist. Ai ka dy vajza me emrin Hiziya dhe Shahinez dhe dy djem me emrin Salf dhe Muhammed.[27][28] Ribéry u konvertua në Islam[29][30] dhe pas konvertimit ai e morri emrin si Bilal Jusuf Muhammed.[31][32]
Referime
Wikiwand - on
Seamless Wikipedia browsing. On steroids.