futbollist shqiptar From Wikipedia, the free encyclopedia
Ergys Kaçe (lindur më 8 korrik 1993) është një futbollist shqiptar i cili luan aktualisht me PAOK në Superligën Greke dhe me kombëtaren shqiptare. Ai është përshkruar nga media si një "mefushori mbrojtës klasik dhe i shkathët".[1] Kaçe është gjithashtu lojtar i kombëtares U–21 dhe është kapiten i saj.[2]
_(Kaçe).jpg) | |||
| Të dhënat vetjake | |||
|---|---|---|---|
| Datëlindja | 8 korrik 1993 | ||
| Vendlindja | Korçë, Shqipëri | ||
| Gjatësia | 1.63 m (5 ft 4 in) | ||
| Pozicioni | Mefushor–mbrojtës | ||
| Karriera me të rinjtë | |||
| –2004 | Achilleas Triandrias | ||
| 2004–2010 | PAOK | ||
| Karriera me klube* | |||
| Vitet | Klubi | Ndeshje | (Golat) |
| 2010– | PAOK | 64 | (5) |
| 2011–2012 | → Anagennisi Epanomi (huazim) | 19 | (1) |
| Karriera ndërkombëtare‡ | |||
| 2011– | Shqipëria U21 | 5 | (0) |
| 2013– | Shqipëria | 11 | (1) |
| *Ndeshjet dhe golat me klubet llogariten vetëm për ligën vendase – redaktuar më 23 shkurt 2014 ‡ Ndeshjet dhe golat me ekipin kombëtar të redaktuar më 18 nëntor 2013 | |||
Kaçe ka lindur në Korçë të Shqipërisë,[3] por familja e tij lëvizi në Greqi kur ai ishte vetëm tre vjeç. Ai filloi karrierën e tij të rinisë te Achilleas Triandrias, ku më pas ai u transferua te akademia e PAOK në vitin 2005,[4] dhe firmosi kontratën e tij të parë profesioniste në dhjetor 2010.[5]
Kaçe bëri debutimin në ligë me PAOK-un më 5 janar 2011 gjatë barazimit 1–1 jashtë fushe kundër Panserraikos, ai zëvëndësoi Stefanos Athanasiadis në minutën e 68.[6] Ai nuk luajti më asnjë ndeshje me skuadrës e parë gjatë sezonit 2010–11 sepse ishte vendosur në skuadrën nën-20.[7]
Kaçe u huazua te skuadra greke Anagennisi Epanomi në Football League për sezonin 2011–12.[8] Më vonë, ai u vendos si titullar pas performancave të mira në fillim të sezonit,[9] dhe e përfundoi sezonin me 19 ndeshje në ligë dhe një gol të shënuar kundër Panachaiki në fitoren 6–1 në shtëpi.[10]
Pas rikthimit të tij te PAOK, trajneri i ri i klubit Giorgos Donis i besoi atij një vend në formacionin startues, sëbashku me të rinjtë e tjerë të skuadrës.[11] Kaçe ishte i pranishëm në të dyja ndeshjet e raundit të tretë kualifikues të Ligës së Europës 2012–13 kundër Bnei Yehuda, dhe sigurisht në të dy ndeshjet play–off kundër Rapid Wien.[12][13] Më 31 tetor, lojtari rinovoi kontratën e tij me klubin për katër deri në pesë vitet e ardhshme.[14] Kontrata e re erdhi si një shpërblim për performancat e mira të bëra gjatë sezonit.[15] Më 3 mars, ai shënoi golin e parë për klubin nga një gjuajte prej 33 metrash distancë në fitoren 4–2 kundër Panionios.[16] Kaçe pati një sezon shumë të mirë me PAOK-un duke shënuar një gol dhe duke dhuruar dy assista në 41 ndeshje.
Kaçe filloi sezonin e tij të dytë me PAOK-un kundër Schalkes në dy ndeshjet e raundit play–off të Ligës së Kampioneve dhe filloi Superligën kundër Panetolikos.
Më 4 shtator 2013, Kaçe ishte përfshirë në një skandal politik racist pas ai shpërndau një foto të vetën i veshur një bluzë me simbolin e Ushtrisë Çlirimtare të Kosovës në faqen e tij në Facebook. Kjo gjë solli shpërthimin e mediave në Greqi dhe Kaçe u kritikua për xhestin e tij.[17] Kaçe deklaroi se ai nuk e dinte domethënien e simbolit pasi ai kishte lënë Shqipërinë që në moshën tre vjeçare, por u gjobit nga klubi dhe më vonë u kritikua nga pala greke neo-naziste Agimi i Artë, gjë që solli që një grup tifozësh të PAOK-ut të sulmonin Agimin i Artë.[18] UEFA tha: "Mos u merrni me një lojtarë ku kjo nuk është në kompetencën tuaj", ndërsa trajneri i kombëtares shqiptare Gianni De Biasi i foli presidentit të PAOK-ut Zisis Vryzas, duke i thënë që ta linin lojtarin në paqe dhe të mos fajsoheshe kot.[19] Sali Berisha, ish kryeministri i Shqipërisë, i cili gjithashtu erdhi në mbrojtje të Kaçes, tha: "Kace është viktimë e nacionalizmit raciste",[20] ndërkohë që trajneri i skuadrës Huub Stevens akuzoi klubin duke thënë: "ju jeni duke e ekzagjeruar me atë lojtar".[21] Presidenti i Federatës Shqiptare të Futbollit, Armand Duka, dërgoi një letër te presidenti i UEFA-s Michel Platini duke pretenduar se situata është ekzagjëruar.[22] Kaçe i kërkoi falje klubit por sërisht mbeti i pezulluar.[23] Pasi i mbaroi pezullimi, Kaçe u rikthye në stërvitje por klubi vendosi që t'a nxirrte në shitje në merkaton dimërore.[24]
Pas gjith kësaj, Kaçe bëri një rikthim të papritur në skuadër. Ai u rikthye në një seancë stërvitore dhe më 18 dhjetor 2013 u grrumbullua për ndeshjen kundër Atromitos, por që ishte një zëvëndësues i papërdorur gjatë ndeshjes.[25] Ai luajti ndeshjen e parë pas pezullimit më 9 janar 2014 kundër Iraklis, një ndeshje e vlefshme për Kupën e futbollit Grek ku Kaçe hyri në fushe në minutën e 76 në vend të Alexandros Tziolis.[26] Në ligë, pasi qëndroi pesë ndeshje si zëvëndësim i papërdorur, më 26 janar ai luajti ndeshjen e parë në ligë pas pezullimit kundër Veriës ku ai luajti në të gjithë ndeshjen që rezultoi një fitore 4–1.[27] Ai u rikthye për të luajtur në fazën nokaut të 2013–14 Ligës së Europës kundër Benficës më 20 shkurt 2014, ndeshja u humb me rezultatin 0–1 me Kaçen që luajti në të gjithë ndeshjen.[28] Kaçe shënoi një gol në fitoren 3–0 kundër Panthrakikos më 23 shkurt 2014,[29] ai më vonë u shpall lojtari i ndeshjes.[30]
Kaçe luajti 4 ndeshje me kombëtaren shqiptare U–21 të futbollit në një turnament miqësorë në Slloveni ndërmjet 23 dhe 30 marsit të vitit 2011.[31][32]
Në një intervistë me Panorama Sport, një gazetë shqiptare futbolli, Kaçe tha se ai është duke parë përpara për të luajtur me kombëtaren e parë shqiptare.[33] Herët në vitin 2013, ai hodhi dyshime mbi këtë deklaratë duke refuzuar thirrjen e bërë për të luajtur në miqësoren kundër Gjeorgjisë dhe aplikoi për nënshtetsi greke, ndërsa më vonë deklaroi se kishte dëshirë për të luajtur me Greqinë.[34] Megjithatë, mediat greke dhe shqiptare sygjeruan se Kaçe kishte pranuar thirrjen e bërë nga Gianni De Biasi, trajneri i kombëtares, për tu bashkuar skuadrës për ndeshjen e kualifikueseve të 2014 Kupës së Botës kundër Norvegjisë më 7 qershor 2013 në Tiranë.[35] Më 14 gusht 2013, Kaçe shënoi golin e parë me kombëtaren në fitoren 2–0 kundër Armenisë në një ndeshje miqësore që u luajt në stadiumin Qemal Stafa.[36]
Në listën e thirrjeve publikuar nga trajneri Gianni De Biasi për miqësoren kundër Bjellorusisë, Kaçe nuk ishte pjesë sepse ishte thirrur nga kombëtarja U–21 për ndeshjet e rradhës kundër Hungarisë U–21 dhe Spanjës U–21 respektivisht më 14 dhe 18 nëntor për kualifikueset e 2015 UEFA Kampionatit U–21 të futbollit.[37] Në ndeshjen e parë kundër Hungarisë U–21, ai u emërua kapiten i skuadrës dhe ndeshja u fitua me rezultatin 0–2 në Budapest.[38]
| Nr | Data | Vendi | Kundërshtari | Goli | Rezultati | Kompedicioni |
|---|---|---|---|---|---|---|
| 1. | 14 gusht 2013 | Stadiumi Qemal Stafa, Tiranë, Shqipëri |  Armenia | 2–0 | 2–0 | Ndeshje Miqësore |
| 2. | 13 qershor 2015 | Elbasan Arena, Elbasan, Shqipëri |  Franca | 1–0 | 1–0 | Ndeshje Miqësore |
Redaktuar më 27 shkurt 2014 [39][40]
| Klubi | Sezoni | Liga | Kupa e Ligës | Europa | Total | ||||
|---|---|---|---|---|---|---|---|---|---|
| Ndeshje | Gola | Ndeshje | Gola | Ndeshje | Gola | Ndeshje | Gola | ||
| PAOK | 2010–11 | 1 | 0 | 0 | 0 | - | - | 1 | 0 |
| Anagennisi Epanomi | 2011–12 | 19 | 1 | 0 | 0 | - | - | 19 | 1 |
| Total | 19 | 1 | 0 | 0 | 0 | 0 | 19 | 1 | |
| PAOK | 2012–13 | 31 | 1 | 6 | 0 | 4 | 0 | 41 | 1 |
| 2013–14 | 8 | 1 | 4 | 0 | 4 | 0 | 16 | 1 | |
| Total PAOK | 40 | 2 | 10 | 0 | 8 | 0 | 58 | 2 | |
| Karriera në total | 59 | 3 | 10 | 0 | 8 | 0 | 77 | 3 | |
| Kombëtarja shqiptare | ||
|---|---|---|
| Viti | Ndeshje | Gola |
| 2013 | 6 | 1 |
| 2014 | 0 | 0 |
| Total | 6 | 1 |
Personale
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
