Cengiz Çandar
gazetar turk From Wikipedia, the free encyclopedia
gazetar turk From Wikipedia, the free encyclopedia
Cengiz Çandar (lindi më 1948) është një gazetar turk, kolumnist i vjetër dhe një ekspert i Lindjes së Mesme. Ai është autori i librit më të shitur Mezopotamya Ekspresi- Bir Tarih Yolculugu (Mesopotamia Express- Një Udhëtim në Histori) (2012), i cili është përkthyer në gjuhë të ndryshme.
Ai përfundoi shkollën e mesme Talas American College in Talas, Kajseri dhe shkollën e lartë tek Tarsus American College në Tarsus, Mersin.[1] Çandar diplomoi në Universitetin e Ankarasë më 1970 dhe morri diplomën Bachelor në shkenca politike dhe marrëdhënie ndërkombëtare.
Ai e filloi karrierën e tij si gazetar në vitin 1976 për gazetën Vatan pasi jetoi në Lindjen e Mesme dhe Evropë për shkak të kundërshtimit të tij ndaj regjimit në Turqi pas ndërhyrjes ushtarake në vitin 1971.[2] Duke qenë ekspert në Lindjen e Mesme (Liban dhe Palestinë) dhe Ballkan (Bosnje dhe Hercegovina), Çandar punoi për Agjencinë e Lajmeve Turke dhe për gazetat kryesore turke Cumhuriyet, Hürriyet, Sabah, Referans[3] dhe Güneş si korrespodent lufte. Aktualisht, ai është një kolumnist i vjetër për Radikal.[4] dhe Al-Monitor.[5]
Çandar shërbeu si këshilltar special për politikën e jashtme të presidentit turk Turgut Özal midis 1991 dhe 1993. Ai ishte udhëheqësi në vendosjen e marrëdhënieve midis presidencës turke dhe udhëheqjes kurde të Irakut (1991) që çoi njohjen e Jalal Talabani dhe Masoud Barzani në Turqi. Ai ishte gjithashtu i përfshirë në mënyrë aktive në politikën e Ballkanit, veçanërisht gjatë trazirave etnike në Ballkan midis 1993 dhe 1995. Në vitin 1998, ai ishte ndër gazetarët e njohur që i janë nënshtruar një fushate agresive për shpifje nga ushtria.[6][7] Midis 1999 dhe 2000, ai bëri punë kërkimore në temën "Turqia e Shekullit 21" si Studiues i Politikave Publike në Woodrow Wilson International Center for Scholars dhe një anëtar i lartë në Institutin e Shteteve të Bashkuara për Paqe.[8] Përshkrimi i tij i ngjarjeve të vitit 1998 në Turqi si një "grusht shteti post-modern".[9] Çandar është një nga intelektualët turq që ka njohur gjenocidin armen duke lëshuar një falje për "katastrofën e madhe të vitit 1915". Teksti i faljes ishte "Ndërgjegjja ime nuk e pranon pandjeshmërinë e treguar ndaj dhe mohimin e katastrofës së Madhe, të cilës iu nënshtruan armenët osmanë në vitin 1915. Unë e refuzoj këtë padrejtësi dhe për pjesën time, unë bashkpjesoj me ndjenjat dhe dhimbjen e vëllezërit dhe motrat e mia armene. Unë u kërkoj falje atyre."[10] Në vitin 2007, ai dënoi autoritetet për privimin e Aghtamar nga e kaluara e saj armene duke e riemëruar atë në "Akdamar".[11][12][13]
Ai ka dhënë mësim në Istanbul Bilgi University (1997-1999), Istanbul Kültür University (2002-2010), Özyegin University (2011). Ai është një komentues i shpeshtë në lidhje me Turqinë, çështjen kurde dhe çështjet e Lindjes së Mesme në gazeta ndërkombëtare dhe në televizion dhe ligjërata globalisht në universitete duke përfshirë në Universitetin e Harvardit,[14] Bostonit dhe Universitetin e Oksfordit.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
