fshat në Kosovë From Wikipedia, the free encyclopedia
Akllap është një vendbanim në komunën e Lipjanit, Kosovë.
Akllap | |
---|---|
Fshat | |
Emri i banorëve | Akllapas |
Fshati Akllap, është fshati më i thellë malor i komunës së Lipjanit. Po të hyjë njeriu për herë të parë në këtë fshat, do të jetë i fascionuar me mrekullitë që ka ditur t’i krijojë vetëm natyra. Një pjesë e Akllapit, nga malet e Zhegocit dhe të Janjevës, është e rrethuar me drurë të bukur, ndërsa dy anët tjera janë me kullosa, që magjepsin me pamjen e tyre.
Fshati ka rrugën e asfaltuar, shkollën e plotë fillore, dyqan, ujë që të pikë në ballë nga të ftohtit, i cili vjen nga burimet dhe rëniet e tij të lira nga malet.
Fshati Akllap i banuar kryesisht më shqiptarë ka diku rreth 200 banorë.
Numri i familjeve që jan shpërngulur nga fshati që nga viti 1999-2012 është: 74 familje me 409 banorë. Numri i familje që momentalisht jetojnë në fshat është: 104 familje me 649 banorë. Një numër jo i vogël i familjeve u shpërngullën nga fshati në Lipjan. Më parë Akllapi ka pasur 104 shtëpi, ky numër sot është përgjysmuar.
Fshati Akllap ka kushte ideale për të ushtruar shumë veprimtari bujqësore, në rend të parë është blegtoria. Përderisa para lufte kishte familje që posedonte 200 deri 300 dele, apo më mirë të themi i gjithë fshati i kishte mbi dymijë dele, për çka edhe mori nofkën fshat i dhenve, sot as njëzet copë dhenë nuk mund t’i gjeshë.
Këtu toka punohet nga banorët që mbetën pa e lëshuar fshatin, ndërsa bujqit zakonisht kultivojnë kulturat buqësore, si grurë dhe misër, mirëpo nuk mungojnë as kulturat tjera, si patatet, lakrat, fasulja… Me një fjalë, të gjitha kulturat kopshtare. Po ashtu, fshati Akllap njihet edhe me kultivimin e shumicës së pemëve.
Fshati Akllap ka një histori të begatë kulturore e kombëtare, sepse këtu lindën e u rritën atdhetarë të shumtë, siç ishte Rexhep Akllapi. Ndërkaq, gjatë kohës sa gjendej Kosova nën okupimin serb, në Akllap kanë gjetur vend për të zhvilluar veprimtari politike e kombëtare shumë figura të njohura kombëtare. Jo vetëm kaq. Akllapi ka edhe një histori tjetër të vecantë, sepse këtu gjendet një kishë eremite që mendohet se më parë ishte hyrje e minierës, por që u adaptua më vonë si kishë. Hyrjet e tilla të çojnë deri në fshatin Vukoçincë dhe në Janjevën e lashtë. Këta pak banorë, që ende kanë mbetur në Akllap, u shprehën se një ditë jo të largët, pra nisur nga braktisja e fshatit që është duke ndodhur, ky fshat do të mbetet në kujtesën e njerëzve me fjalët: Na ishte një herë këtu një Akllap.
Fshati Akllap gjatë luftës qe djegur thuaja në tërësi nga barbaria serbe, po ashtu patë edhe të vrarë e të lënduar. Në mbrojtje të familjes kur forcat serbe donin ti zinin të gjalle në shtëpin time rreth 20 persona nga dora serbe u vra Ibrahim Gashi i cili ishte duke ardhur të ju tregonte dhe ti tërhiqte nga rreziku.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.