From Wikipedia, the free encyclopedia
Ura e Kamares është një urë osmmane mbi lumin Shkumbin që ndodhet në fshatin Mirakë të Librazhdit, qarku i Elbasanit, Shqipëri.
Ura e Kamares ndodhet rreth 5 km larg qytetit të Librazhdit, në Njësinë Adminitrative Polis në Mirakë. Për vlerat që ajo mbart është shpallur monument kulture i kategorisë së I në vitin 1963.
Kjo urë është asimetrike dhe është e ndërtuar mbi tre qemere të realizuar me gurë ngjyrë gri të marrë nga mali i Murrashit. Ura e Kamarës është urë mesjetare e ndërtuar rreth viteve 1714 dhe ka pasur disa periudha ndërtimi, ku gjatë periudhës osmane ka pësuar edhe një rindërtim. Sipas mbishkrimit në një pllakëguri të gjetur në kamaren e urës shkruhet: “Shpirti i qoftë gëzuar Ahmetit, nga Elbasani. Kush kalon këtej të japë një lutje mirëbërësit të urës.[1]
Ura e Kamares është e gjatë rreth 40 m dhe e gjerë rreth 3.5 m dhe midis tyre ndodhen dritare shkarkuese në formë lundre.[2] Qemeri i madh i urës ka një hapësirë prej 23 metrash dhe qemeri i djathtë është në formë segmenti rrethor.
Bazamenti për kalimtarët është ndërtuar me një kalldrëm me gurë lumi të rrumbullakët. Ajo ka marrë këtë emërtim për shkak të një kamareje që ndodhet në anën e djathtë të saj. Kjo kamare shërbente si një njoftim për personat që do të kalonin mbi urë. Kur moti ishte i keq dhe frynte shumë erë, këmbanorja binte si një lloj lajmërimi që kalimi mbi të bëhej me kujdes e të mos binin nga ura.
Në bregun e majtë ura mbështetet në formacionin shkëmbor të malit të Polisit, ndërsa mbështetja e djathtë është mbi zhavorrishten e shtratit të lumit.
Në kohën e ndërtimit të saj, ajo lidhte rrugën mesjetare të karvanëve që vinte nga Elbasani e që prej urës së Haxhi Beqarit kalonte majtas lumit, duke ndjekur trasenë e rrugës antike Egnatia, për të vazhduar në Korçë e më tej në Maqedoni, Greqi deri në Stamboll. Gjithashtu, tek ura e Kamares shkëputej dega rrugore që lidhte Elbasanin me krahinën e Dibrës, nëpërmjet Klenjës e Zerqanit.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.