From Wikipedia, the free encyclopedia
Stavro Vinjau (Përmet, 1893 - 1975) ka qenë deputet, ministër dhe tregtar shqiptar.
Stavro Vinjau | |
---|---|
Ministër i Drejtësisë | |
Në detyrë 16 qershor – 24 dhjetor 1924 | |
Paraprirë nga | Benedikt Blinishti |
Pasuar nga | Petro Poga |
Ministër i Arsimit | |
Në detyrë 16 qershor – 29 gusht 1924 | |
Paraprirë nga | Fahri Rashiti |
Pasuar nga | Fan Noli |
Të dhëna vetjake | |
U lind më | 1893 Përmet, Perandoria Osmane |
Vdiq më | 1976 Itali |
Nënshtetësia | shqiptar |
Partia politike | Partia Popullore |
Punësimi | deputet, ministër, tregtar |
U lind më 1893 në Përmet. Mbaroi Fakultetin për Drejtësi në Romë,[1] ku ishte bërë anëtar i Partisë Socialiste Italiane.[2] Më 1921-1925 ka qenë deputet në dy legjislatura, më 1921 anëtar themelues i Partisë Popullore. Ka qenë anëtar i "Krahut Kombëtar", organizatë e njohur në publik si Klika, e cila përfshinte Sejfi Vllamasin, Sulejman Delvinën, Bahri Omarin, Ali Këlcyrën dhe figura të tjera në politikën, administratën dhe xhandarmërinë e kohës.[3] Më 1923 ka qenë pjesë e grupit demokrat të Gjirokastrës,[1] së bashku me Fan Nolin dhe Koço Tasin anoi nga grupi i deputetëve të Shkodrës kryesuar nga Gurakuqi; duke u bërë kështu ndër opozitarët më të zëshëm të diskutimeve parlamentare.[4] Njihej në parlamentin shqiptar për pikëpamjet e tij të majta, duke deklaruar që më 1921 që në Shqipëri ekzistonte bolshevizmi.
Më 16.7.1921, Këshilli Kombëtar (parlamenti) i Shqipërisë diskutoi mbi përgjigjen që do u dërgohej parlamentit jugosllav mbi masakrat kundër shqiptarëve të Kosovës. Gjatë fjalimit te tij, Vinjau tha ndër te tjera:"Ne nuk kërkojmë nga Serbia, Kosovën, atë dhe shqiptarët e saj ua kemi falur. T’ju shohë hajrin. Vetëm kërkojmë t’i respektojë si njerëz e jo t’i therin si berra."
Më 1924 mori pjesë në demostratën përpara kryeministrisë për të kërkuar drejtësi për vrasjen e Avni Rustemit.[5] Përkrahu Lëvizjen e qeshorit, duke u emëruar ministër i Drejtësisë dhe i Arsimit në qeverinë revolucionare. U largua nga Shqipëria me rikthimin e Ahmet Zogut në pushtet në dhjetor të 1924.[1] U vendos në Brindisi, ku më 1938 kishte marrëdhënie me organizatën "Bashkimi Kombëtar, që ishte përvijuese e "Krahut Kombëtar".[5] Më tej, i tërhequr nga jeta politike u mor me tregti. Ndërroi jetë më 1975.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.