![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3b/Various_dinosaurs.png/640px-Various_dinosaurs.png&w=640&q=50)
Llojet e zhdukura
From Wikipedia, the free encyclopedia
Zhdukja është përfundimi i një lloj organizmi ose i një grupi të llojeve (takson), zakonisht një specie. Momenti i zhdukjes në përgjithësi konsiderohet të jetë vdekja e individit të fundit të specieve, megjithëse aftësia për tu shumuar dhe rimëkëmbur mund të ketë humbur para kësaj pike. Për shkak se vargu i mundshëm i specieve mund të jetë shumë i madh, përcaktimi i këtij momenti është i vështirë dhe zakonisht bëhet në mënyrë retrospektive. Kjo vështirësi çon në fenomene të tilla si taksoni Lazarus, ku një specie e supozuar e zhdukur papritmas "rishfaqet" (zakonisht në të dhënat fosile) pas një periudhe mungese të dukshme.
![Thumb image](http://upload.wikimedia.org/wikipedia/commons/thumb/3/3b/Various_dinosaurs.png/640px-Various_dinosaurs.png)
Statusi i ruajtjes marrë nga Lista e Kuqe e BNRN-së | |
---|---|
![]() | |
Statusi "I zhdukur" | |
| |
Statusi "I rrezikuar" | |
| |
Statusi "S'ka rrezik" | |
| |
![]() |
Më shumë se 99% e të gjitha llojeve që kanë jetuar ndonjëherë në Tokë, që arrijnë në mbi pesë miliardë lloje,[1] vlerësohet se janë zhdukur. Është vlerësuar se aktualisht ka rreth 8.7 milion lloje eukariote në nivel global, dhe ndoshta shumë herë më shumë nëse përfshihen mikroorganizmat, si bakteret.[2] Llojet e shquara të kafshëve të zhdukura përfshijnë dinozaurët jo-avianë, macet me dhëmbë saber, dodos, mamuthët, përtacët e tokës, tilacinet, trilobitet dhe thitëlopat e artë.