Medelpad

Medelpad është një provincë në veri të Suedisë. Kufizohet me Hälsingland në jug, Härjedalen në perëndim, Jämtland në veriperëndim, Ångermanland në veri dhe Detin e Botnisë në lindje.

Medelpad
Provincë
Stema
Vendi	Suedia
Krahina	Norrland
Qarqet	Qarku Västernorrland
Sipërfaqja
• Gjithsej	7.058 km2 (2.725 sq mi)
Popullsia  (2021)[1]
• Gjithsej	126.539
• Dendësia	18/km2 (46/sq mi)
Grupi etnik
• Gjuha	Suedisht
• Dialekti	Suedishtja veriore
Kultura
• Lulja	Spruce
• Kafsha	Lepuri i malit
• Zogu	Small crossbill
• Peshku	Perch
Zona kohore	UTC+1 (CET)
• Verës (DST)	UTC+2 (CEST)

Medelpad është provinca e 13-të me sipërfaqen më të madhe, i 13-ti me dendësi më të madhe të popullsisë dhe i 16-ti me popullsinë më të madh. Nga nëntë provincat e Norrland, Medelpad ka sipërfaqen e dytë më të vogël, të gjashtën më të madhe të popullsisë dhe të dytin me dendësinë më të madhe të popullsisë. Gjatësia më e madhe në lindje-perëndim është 140 kilometra, dhe gjerësia më e madhe në veri-jug 90 kilometra.^[2]

Administrata

Provincat e Suedisë nuk shërbejnë për qëllime administrative apo politike, por janë entitete historike dhe kulturore. Në rastin e Medelpad, provinca përfshin afërsisht pjesën jugore të qarkut administrati (län), Qarku Västernorrland.

Tri komuna kanë selitë e tyre në Medelpad:

• Sundsvall
• Timrå
• Ånge

Gjeografia

Provinca ndodhet në një lartësi mesatare prej 200-300 metra mbi nivelin e detit. Malet më të larta nuk janë më shumë se 500 metra të larta - më i larti është Myckelmyrberget me 577 metra. Nga sipërfaqja e përgjithshme, rreth 500 km² është ujë. Liqeni më i madh është Holmsjön, i vendosur në 200 metra lartësi, i ndjekur nga Leringen, në një lartësi të ngjashme.

Ka gjithashtu dy lumenj të mëdhenj që rrethojnë provincën: Ljungan dhe Indalsälven.

Sporti

Futbolli në provincë administrohet nga Medelpads Fotbollförbund dhe përfshin klube të tilla si Ljustorps IF. Skuadra e vetme e futbollit e provincës aktualisht në ligën më të lartë Allsvenskan është GIF Sundsvall. Hokeji mbi akull është gjithashtu popullor, me Timrå IK, dhe basketbolli me Sundsvall Dragons.

Referime

1. "Folkmängd i landskapen den 31 december 2021" (në suedisht). Zyra Qendrore e Statistikave. Marrë më 2022-12-26.
2. Medelpad i Nordisk familjebok (në suedisht)