From Wikipedia, the free encyclopedia
Në sistemin ligjor civil të vendeve të Evropës kontinentale, të tilla si Franca, Italia dhe Shqipëria, magjistrat është një term i përgjithshëm që përfshin Prokurorët dhe Gjyqtarët.
![]() Pikturë e magjistratit të famshëm anglez Lord Blackstone | |
Profesioni | |
---|---|
Emrat | Gjyqtari Prokurori |
Sektorët e aktivitetit | Drejtësi |
Përshkrimi | |
Kompetencat | Mendje analitike; mendim kritik; paanshmëri |
Edukimi i nevojshëm | Shkolla e Magjistraturës |
Punë të ngjashme | Juristi |
Në mënyrë që të fitojë titullin magjistrat dhe të punojë në sistemin gjyqësor, aplikanti duhet të ketë përfunduar trajtimin fillestar pranë Shkollës së Magjistraturës.[1]
Emrimagjistrat buron nga termi i vjetër francez magistrat, i cili rrjedh nga fjala latine magistratus, e cila buron nga magister (mjeshtër), fjalë e ndërtuar nga rrënja magnus (që do të thotë i madh).
Në Romën e lashtë, fjala magistratus i referohej një nga posteve më të larta të shtetit romak, me detyra qoftë gjyqësore dhe ekzekutive në juridiksionin përkatës. Brenda qytetit të Romës, magjistratët më të rëndësishëm ishin anëtarë të së ashtu-quajturit Cursus Honorum - 'Pozitat e Nderit' - poste që mund të mbaheshin vetëm nga njerëz të rangut senatorial. Fakti që ata kishin pushtet gjyqësor brenda sferës së përgjegjësisë dhe gjithashtu kishin fuqinë për të formuluar ius honorarium, ose ligj magjisterial, shërbeu si bazë për përdorimin modern të termit "magjistrat" kur i referehemi gjyqtarëve dhe prokurorëve.
Në atë kohë, Konsulli ishte magjistrati më i lart Romak, ndërsa Praetori (posti më vonë u nda në dy, Praetori Urban dhe Praetori Peregrin) ishte gjyqtari më i lartë në çështjet e të drejtës private midis qytetarëve romak, ndërsa Curule Aediles, të cilët mbikëqyrnin punët publike në qytet, ushtronin juridiksion të kufizuar civil në lidhje me tregun.[2] Magjistratët romak nuk ishin juristë të trajnuar, por kishin ndihmën e juristëve me ekspertizë në jurisprudencë.
Termi magjistrat u ruajt në shumicën e shteteve feudale që pasuan rënjen e Perandorisë Romake në perëndim. Nga ky përdorim në mesjetë, termi magjistrat erdhi deri në ditët tona.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.