League of Legends ( LoL ) (shqip: Liga e Legjendave) zakonisht njihet si League, është një videolojë arenë beteje shumëlojtarëshe në internet(MOBA) e vitit 2009 e zhvilluar dhe publikuar nga Riot Games . Të frymëzuar nga Defense of the Ancients, një hartë e personalizuar për Warcraft III, themeluesit e Riotit u përpoqën të zhvillonin një lojë të pavarur të të njëjtit zhanër. Që nga publikimi i tij në tetor të 2009ës, League ka qenë pa pagesë dhe kompania fiton para përmes mjeteve të cilat mund tu përshtaten personazheve të lojës . Loja është e shkarkueshme në sistemet e operimit Microsoft Windows dhe macOS .
Në lojë, dy ekipe prej pesë lojtarësh secili luftojnë kundër njëri-tjetrit, secili ekip zë dhe mbron gjysmën e tij të hartës. Secili lojtar kontrollon një personazh, të njohur si "kampion" (ang. champion), me aftësi të veçanta dhe stile të ndryshme të lojës. Gjatë një ndeshjeje, kampionët bëhen më të fuqishëm duke mbledhur pikë përvoje, duke fituar ar dhe duke blerë artikuj. Të gjitha këto janë me qëllim mposhtjen e ekipit kundërshtar. Në fushëbetejën kryesore të Ligës, Summoner's Rift, një ekip fiton nëse futet në bazën e armiqve dhe shkatërron Nexus-in e tyre, i cili është një strukturë e madhe e vendosur brenda bazës.
League of Legends ka marrë vlerësime përgjithësisht pozitive; kritikët theksuan aksesueshmërinë, dizajnet e personazheve dhe vlerën e prodhimit. Jetëgjatësia e lartë e lojës ka rezultuar në një rivlerësim kritik, me vlerësime që kanë prirje pozitive; Sjellja negative dhe abuzive e lojtarëve të saj, e kritikuar që në fillesat e lojës, vazhdon pavarësisht përpjekjeve të Riotit për ta rregulluar problemin. Në vitin 2019, League arriti kulmin me tetë milionë lojtarë të rregullt njëkohshëm dhe popullariteti i saj ka çuar në krijimtari të tilla të lidhura me lojën si video muzikore, libra komikë, tregime të shkurtra dhe seriali i animuar Arcane .
E konsideruar si një nga videolojërat më të arrira ndonjëherë, League of Legends është esporti më i madh në botë, loja ka një skenë konkurrence ndërkombëtare të përbërë nga liga të shumta rajonale. Megjithatë loja arrin kulmin në Kampionatin Botëror vjetor të Ligës së Legjendave . Ngjarja e 2019ës u ndoq prej mbi 100 milionë shikueve unikë, duke arritur kulmin me një shikueshmëri të njëkohshme prej 44 milionë gjatë finaleve . Ngjarjet e brendshme dhe ndërkombëtare janë transmetuar në faqet e internetit të transmetimit të drejtpërdrejtë si Twitch, YouTube, Bilibili dhe në kanalin sportiv të televizionit kabllor ESPN .
Luajtja
League of Legends është një lojë MOBA në të cilën lojtari kontrollon një personazh ("kampion") me një sërë aftësish unike nga një këndvështrim izometrik . [1] [2] Deri më 2023in ka mbi 160 kampionë në gatishmëri për të luajtur. [3] Gjatë një ndeshjeje, kampionët fitojnë nivele duke grumbulluar pikë përvoje (XP) përmes vrasjes së armiqve, qofshin kampiona ose vocërr. [4] Artikujt blihen për të rritur forcën e kampionëve, [5] për artikujt kërkohet ar, të cilin lojtarët e grumbullojnë në mënyrë pasive me kalimin e kohës dhe e fitojnë në mënyrë aktive duke mposhtur vocërrat, [1] kampionët ose kullat mbrojtëse të ekipit kundërshtar. [4] [5] Në fushëbetejën kryesore të lojës, të ashtuquajtur Summoner's Rift, artikujt blihen përmes një menuje dyqani në dispozicion të lojtarëve vetëm kur kampioni i tyre është në bazën e ekipit. [1] Çdo ndeshje është e izoluar nga tjetra; statistikat e kampionëve si nivelet dhe artikujt nuk kalojnë nga një ndeshje në tjetrën. [6]
Summoner's Rift
![Thumb](http://upload.wikimedia.org/wikipedia/commons/thumb/d/dc/Map_of_MOBA.svg/320px-Map_of_MOBA.svg.png)
Summoner's Rift është mënyra kryesore e lojës League of Legends dhe më e spikatura në lojën e nivelit profesional . [7] [8] [9] Fushëbeteja ka një renditje konkurruese; një sistem i bërjes së ndeshjeve përcakton nivelin e aftësive të një lojtari dhe gjeneron një ligë fillestare prej së cilës ata mund të ngjiten. Ka nëntë nivele; më pak të aftët janë Iron, Bronze dhe Silver, dhe më të lartët janë Master, Grandmaster dhe Challenger. [lower-alpha 1]
Dy skuadra me pesë lojtarë garojnë për të shkatërruar "Nexus"-in e ekipit kundërshtar, i cili ruhet nga kampionët e armikut dhe strukturat mbrojtëse të njohura si "turrets" (sq. frëngji). [11] Nexus-i i çdo ekipi përpara bazës së tij, ku lojtarët fillojnë lojën dhe rishfaqen pas vdekjes. [11] Personazhet jo-lojtarë të njohur si vocërr (ang. minions) krijohen nga Nexus-i i secilit ekip dhe përparojnë drejt bazës së armikut përgjatë tre korsive të ruajtura nga frëngji: lart, në mes dhe poshtë. [12] Baza e çdo ekipi përmban tre "frenues", një prapa kullës së tretë nga qendra e çdo korsie. Shkatërrimi i një prej frenuesve të ekipit të armikut bën që frenuesit të krijojnë supervocërr të cilët kanë fuqi më të madhe se ata të zakonshëm dhe i lejon ekipin sulmues të dëmtojë armikun Nexus dhe dy frëngjitë që e ruajnë atë. [13] Zonat ndërmjet korsive njihen me termin "xhungla", e cila strehon "përbindëshat" që, si minionët, rilindin në intervale të rregullta. Ashtu si vocërrat, përbindëshat ofrojnë ar dhe XP kur vriten. [14] Dy krijesa të tjera banojnë brenda lumit që ndan xhunglat e ekipeve. [15] Këta përbindësha kërkojnë lojtarë të shumtë për tu vrarë dhe nëse vriten iu japin aftësi të veçanta ekipit të tyre të vrasësve. Për shembull, skuadrat mund të fitojnë një njësi të fuqishme aleate pasi të kenë vrarë Rift Heraldin, fuqia e përhershme rritet duke vrarë dragonj dhe vocërrat më të fortë dhe më të qëndrueshëm bëhen duke vrarë Baron Nashor. [16]
Ndeshjet e Summoner's Riftit mund të zgjasin nga 15 minuta deri në më shumë se një orë. [17] Megjithëse loja nuk e paracakton ku mund të shkojnë lojtarët, janë krijuar disa marrëveshje gjatë ekzistencës së lojës: zakonisht një lojtar shkon në korsinë e sipërme, një në korsinë e mesme, një në xhungël dhe dy në korsinë e poshtme. [1] [4] [18] Lojtarët në një korsi vrasin minionët për të grumbulluar ar dhe XP (ky veprim quhet "farming"(sq. korr) dhe përpiqen të parandalojnë kundërshtarin e tyre që të bëjë të njëjtën gjë. Një kampion i pestë, i njohur si "xhungluesi"(ang. jungler), korr përbindëshat e xhunglës dhe ndihmon shokët e tij të skuadrës duke shkuar në korsi, term i cili njihet si gank. [19]
ARAM
ARAM ("All Random, All Mid") është një mënyrë loje 5 vs. 5 si Summoner's Rift, por në një hartë të quajtur Howling Abyss me vetëm një korsi, pa xhungla dhe kampiona të caktuar rastësisht. Lojërat e kësaj mënyre janë përgjithësisht shumë të shpejta se ato të Summoner's Rift pasi edhe përballjet janë të pashmangshme dhe shërimi është më i ngadaltë. Gjithashtu, nëse kampioni largohet nga baza ai nuk mund të rigjenerojë jetë në bazë ose të blejë pajime. Kështu e vetmja mënyrë për të shtuar arsenalin është të vritesh.
URF
URF ("Ultra Rapid Firemode") është një mënyrë loje 5 vs. 5 e cila është pjesë e përkohshme e lojës. Karakteristikë e kësaj loje është përforcimi i kampionëve duke ulur kohën e kastit të aftësive dramatikisht, kështu duke rritur ritmin e lojës.
Referime
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.