From Wikipedia, the free encyclopedia
Emblema e Bashkisë së Elbasanit është emblema e qytetit të Elbasanit.
Emblema e qytetit u miratua më 8 tetor 1996, në mbledhjen e Këshillit Bashkiak të qytetit. Ajo është skicuar nga piktori-skenograf Sadik Kasa dhe emblema përcakton lashtësinë e qytetit, traditën në lëmin e dijes dhe të arsimit dhe gjelbërimin elbasanas. Lashtësia përfaqësohet me kalanë e Elbasanit. Kalaja tipizohet me portën, që nga populli thirret “Porta e Kalasë” dhe bedenat e saj. Porta e kalasë është funksionale dhe njihet si pikë referimi arkeologjike, letrare, muzikore. Tradita në lëmin e dijes dhe të arsimit në Emblemë, përfaqësohet me librin e hapur në themelet e kalasë, duke paraqitur dhe shkallët e dijes. Ngjyra jeshile në Emblemë përfaqëson gjelbërimin, që s’mbaron dimër e verë, pasi kultivohen pemët, lulet, ullirin që krijojnë “Gjerdanin e gjelbër” rreth e qark qytetit. Për miratimin e Emblemës “ELBASANI” u organizuan dy ekspozita me 45 emblema, u dhanë mendime në gazetat lokale dhe ato kombëtare, u shkëmbyen mendime dhe u dhanë alternativa të ndryshme[1]. Në fund u vendos të përzgjidhej kjo Emblemë.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.