![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c5/Tetrapylon_-_Aphrodisias_%25287471662848%2529.jpg/640px-Tetrapylon_-_Aphrodisias_%25287471662848%2529.jpg&w=640&q=50)
Ajdën
From Wikipedia, the free encyclopedia
Ajdën (Turqisht: Aydın, i quajtur më parë Güzelhisar, Greqishtja e lashtë dhe moderne: Τράλλεις Tralleis) është një qytet në dhe selia e Provincës Ajdën) në Rajonin e Egjeut të Turqisë. Qyteti ndodhet në zemër të luginës së poshtme të Lumit Büyük Menderes (lumi i lashtë Meander) në një pozicion komandues për rajonin që shtrihet nga lartësitë e luginës deri në bregun e detit. Popullsia e saj ishte 1,110,972 në 2019.[1] Qyteti Ajdën ndodhet përgjatë një rajoni i cili ishte i famshëm për pjellorinë dhe produktivitetin e tij që nga kohërat e lashta. Fiku mbetet kultura më e njohur e provincës, megjithëse prodhime të tjera bujqësore gjithashtu rriten intensivisht dhe qyteti ka një industri të lehtë.
Ajdën | |
---|---|
Komunë metropolitane | |
Koordinatat: 37°50′53″N 27°50′43″E | |
Shteti | ![]() |
Provincë | Ajdën |
Qeveria | |
• Kryetari | Özlem Çerçioğlu (CHP) |
Sipërfaqja | |
• Distrikti | 627,22 km2 (24,217 sq mi) |
Popullsia (2012) | |
• Popullsia urbane | 195.951 |
• Distrikti | 259.786 |
• Dendësia (Distrikti) | 410/km2 (1,100/sq mi) |
Zona kohore | UTC+3 (TRT) |
Faqja zyrtare | www.aydin-bld.gov.tr |
Në udhëkryqin e një rrjeti transporti të ngarkuar të disa llojeve, një autostradë me gjashtë korsi lidh Ajdënin me Izmirin, portin e dytë të Turqisë, në më pak se një orë dhe në akoma më pak kohë me Aeroportin Adnan Menderes, i vendosur përgjatë rrugës midis dy qytete. Një aeroport më i vogël, përkatësisht Aeroporti Ajdën, ndodhet disa kilometra në jug-lindje të Ajdënit. Rajoni i Ajdënit gjithashtu ka qenë pionier i futjes së hekurudhave në Turqi në shekullin e 19-të dhe ende ka rrjetin më të dendur hekurudhor.
Provinca Ajdën është gjithashtu vendi ku janë përqendruar një numër i vendeve historike dhe qendrave të turizmit të njohura ndërkombëtarisht.