علوي:(انگريزي: Alavi ) جي معني آهي عليءَ وارا يا عليءَ مان . اھا ھڪ ذات ۽ مذھبي گروھن جو نالو آهي جن جي نسبت حضرت علي ڪرم الله وجهه سان آھي.
حضرت عليءَ جو اولاد حضرت محمد صلي الله عليه وآله جن جي نياڻيءَ مان يعني امام حسن ۽ امام حسين جو اولاد سادات يا سيد سڏجي ٿو؛ مگر حضرت عليءَ جو اولاد ٻين زالن مان علوي سڏجي ٿو. سنڌ ۾ اھيشڪارپور جي پاسي آھن ۽ ڪن ٻين ھنڌن تي به[1]
تاريخ ۾ اھڙن کوڙ گروھن جو ذڪر ملي ٿو جن کي علوي (انگريزي: Alawi ) سڏيو ويو. تاريخ ۾ حضرت عليءَ جي خلافت لاء شيعہ سياسي حمايت ڪندڙن کي بہ علوي سڏيو ويو[2].ٻہ اھڙا مذھبي گروھ بہ آھن جيڪي قدامت پسند سني عقيدي ھجڻ باوجود حضرتِ علي جا شيدائي آھن ۽ کيس ان جي تاريخي حيثيت سان نہ پر آفاقي ۽ الوھيت واري حيثيت ۾ مڃيندا آھن جنھن ڪري کين عتاب جو شڪار پڻ ڪيو ويندو آهي. انھن گروھن ۾ ھڪ گروھ شام ، لبنان ۽ ڏکڻ ترڪيءَ جا عرب علوي آھن جن کي نصيري پڻ چون ٿا. ٻيو گروھ وري ترڪيءَ جي ترڪ ۽ ڪرد علوين جو آھي جن کي قزلباش پڻ سڏيو ويندو ھو. اھي مختلف رسمون پڻ ادا ڪندا آهن جن ۾ صوفياڻہ ڪلام ڳائجن ٿا ۽ روحاني رقص ڪيا وڄن ٿا. انھن جو تعداد لکن ۾ آھي[2].
حضرت علي جي بيبي فاطمه رضه مان اولاد مان جيڪي شاھي خاندان طور حاڪم رھيا تن کي بہ علوي سڏيو ويو. انھن مان ھن وقت مراڪش جو علوي شاھي خاندان مثال آهي جيڪو سترھين صدي عيسويءَ کان وٺي مراڪش جو حاڪم خاندان آھي[2].
قرآن جي باطني تشريح ڪندڙ صوفين جي سلسلن مان ڪجهه پاڻ کي حضرت ابوبڪر سان ڳنڍين ٿا جيڪي باڪري سڏجن ٿا جن ۾ نقشبندي سلسلو شامل آهي. اھڙي طرح ڪجهه صوفين جا سلسلا پاڻ کي روحانيت ۾ حضرت علي سان ڳنڍين ٿا انھن کي علوي سڏين ٿا انھن ۾ حضرموت يا يمن وارا علوي ۽ الجيريا جا دارقوي سلسلي وارا صوفي شامل آهن[2].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
