![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dc/DEgov-BKin-Logo.svg/langsd-640px-DEgov-BKin-Logo.svg.png&w=640&q=50)
جرمني جو چانسلر
From Wikipedia, the free encyclopedia
وفاقي جمھوريہ جرمني جو وفاقي چانسلر (انگريزي: Federal Chancellor of the Federal Republic of Germany) جرمني جي 1949ع واري آئين تحت قائم ٿيل ھڪ رياستي عھدو آھي جنھن کي جرمن ٻوليءَ ۾ بنڊسڪينزلر (Bundeskanzler) چوندا آهن. اھو رياست جي حڪومتي سربراھ جو عھدو آھي. ان عھدي جي جرمني ۾ ابتدا سڀ کان اول سال 1867ع ۾ ٿي جڏھن اتر جرمني جي رياستي ڪنفيڊريشن قائم ٿي ھئي تہ ان جي سربراھ کي چانسلر جو نالو ڏنو ويو. 1919ع جي وئيمر واري آئين جي ڀيٽ ۾ چانسلرجي عھدي کي 1949ع واري آئين ۾ صدر جي عھدي کان وڌيڪ خودمختيار بڻايو ويو ۽ ان کي ملڪ جي پاليسي لاء رھنمائي ڪندڙ اصول ٺاھڻ جا اختيار ڏنا ويا ۽ کيس ملڪ جو حقيقي چيف ايگزيڪيوٽو بنايو ويو.[1] چانسلر جو عھدو پارلياماني جمھوريت ۾ وزيراعظم جي عھدي کي برابر ليکيو ويندو آهي. جرمني جي اٺون چانسلر موجوده سال 2019ع ۾ ھلندڙ چانسلر اينجلا مرڪيل آھي جيڪا 2005ع ۾ چونڊجي آئي ۽ 2009ع، 2013ع ۽ 2018ع ۾ وري چونڊجي آئي. سال 1867ع کان ھن عھدي جي شروعات کان وٺي ھاڻي تائين اھا پھرين عورت آھي جيڪا چانسلر جي عھدي تي رھي آھي ۽ عورت ھجڻ ڪري کيس مونث اچار سان جرمن ٻوليءَ ۾ بنڊسڪينزلرين چئبو آهي. اينجلا مرڪيل برلن جي ديوار ڪرڻ بعد يعني اوڀر جرمني ۽ اولھ جرمني جي انضمام کان پوءِ پھرين چونڊيل چانسلر آھي.
وفاقي چانسلر وفاقي جمھوريہ جرمني
| |
---|---|
![]() وفاقي جمھوريہ جرمني جو سرڪاري نشان جيڪو چانسلر جو لوگو آهي. | |
عهديدار اينجلا مرڪيل 22 نومبر 2005 کان | |
تعظيمي لقبَ | ميڊم چانسلر ھر ايڪسيلنسي |
مقرر ڪندڙ | وفاق جو صدر |
عھدي جي مدت | ڪوبہ نہ |
تشڪيل | 1949 |
اولين حامل | ڪونراڊ اڊيننيوئر |
نائب | جرمني جو وائيس چانسلر |
پگهار | €220,000 p.a. |
ويب سائيٽ | www |