2014 کان 2021 تائين افغانستان جو صدر From Wikipedia, the free encyclopedia
پورو نالو محمد اشرف غني احمدزئي، پيدائش 19 مئي 1949ع، افغان سياستدان، تعليمدان ۽ مُعاشياتدان جنھن اسلامي جمھوريا افغانستان جي آخري صدر طور سيپٽمبر 2014ع کان وٺي آگسٽ 2021ع تائين خدمتون ڏنيون.
اشرف غني | |
---|---|
اشرف غنی | |
![]() غني 2017 ۾ | |
ٻيون افغانستان جو صدر | |
عهدو سنڀاليو سيپٽمبر 29، 2014 – آگسٽ 15، 2021 | |
نائب صدر | پهريون وائس پريزيڊنٽ
ٻيون وائس پريزيڊنٽ
|
چيف ايگزيڪيوٽو | عبدالله عبدالله (2014–2020) |
پيشرو | حامد ڪرزئي |
جانشين | ھبت الله اخوندزاده (جيئن افغانستان جي اسلامي امارت جو سربراهه) |
ڪابل يونيورسٽي جو چانسلر | |
عهدو سنڀاليو ڊسمبر 22، 2004 – ڊسمبر 21، 2008 | |
پيشرو | حبيب الله حبيب |
جانشين | حميدالله امين |
ناڻو جي وزارت | |
عهدو سنڀاليو جُون 2، 2002 – ڊسمبر 14، 2004 | |
صدر | حامد ڪرزئي |
پيشرو | هدايت امين ارسلا |
جانشين | انوار الحق احدي |
ذاتي تفصيل | |
پيدائش | مئي 1949 (عمر 75 سال) لوگر , افغانستان |
شهريت | افغانستان[1] گڏيل رياستون (يونائيٽيڊ اسٽيٽس) (1964–2009) |
سياسي جماعت | آزاد |
جيون ساٿي | رولا سعده (ش. 1975) |
ٻار ٻچا | مريم, سميت 2 |
تعليم | آمريڪن يونيورسٽي بيروت (BA) ڪولمبيا يونيورسٽي (MA, پي ايڇ ڊي) |
غني شھنشايتِ افغانستان جي لوگر صوبي ۾ شاھ پسند (جيڪو پيشي جي لحاظ کان مُنشي ھُيو) جي گھر ۾ 19 مئي 1949ع ۾ پيدا ٿيو[2]. ھي احمدزئي پشتون قبيلي سان لاڳاپو رکي ٿو.[3] [4]
فارين ايڪسچينج شاگرد طور ھن ليڪ اوسويگو ھائي اسڪول (LOHS)، ليڪ اوسويگو، اوريگون ۾ 1966ع کان 1967ع جي اسڪولي سال ۾ اشرف احمد[5] ۽ اشرف احمدزئي جي نالي سان شرڪت ڪئي. فارين ايڪسچينج ۾ رھڻ لاءِ آمريڪن فيلڊ سروس سندس سرپرستي ڪئي[6]. ھن اسٽوڊنٽ ڪائونسل ۾ بہ خدمتون ڏنيون[7].
ھن پنھنجي سيڪنڊري درجي جي تعليم ڪابل ۾ پوري ڪئي. ھي پھرين قانون ۾ پڙھڻ گُھري پيو پر پوءِ ھن پنھنجو ڌيان ثقافتي علم الانسان (cultural Anthropology) ڏانهن ڦيرايو.
1973ع ۾ بيروت، لبنان ۾ موجود آمريڪن يونيورسٽي مان بيچلر جي ڊگري حاصل ڪيائين. اُن کانپوءِ سرڪاري اسڪالرشپ تي ڪولمبيا يونيورسٽي مان 1977ع ۾ ماسٽر جي ڊگري حاصل ڪيائين.سوويت يونين جي حمايتي فوجن جي اقتدار تي اچڻ کانپوءِ سندس ڪُٽنب جي ڀاتين جي گھڻائي کي قيد ڪيو ويو. اِھو ڏسندي ھي ڪولمبيا يونيورسٽي ۾ ئي ترسي پيو ۽ 1983ع ۾ پي ايڇ ڊي جي ڊگري حاصل ڪري ورتائين. ھي پنھنجي مُستقبل جي گھرواري رُولا سان مليو، جيڪا بہ اُتي ئي پڙھندي ھُئي[8]. ھن جي پي ايڇ ڊي جو عُنوان ھُيو (افغانستان، 1747ع کان 1901ع : پئداوار ۽ تسلط)[9].
1973ع کان 1977ع تائين بيچلر ڊگري تي ڪابل يونيورسٽي جي فيڪلٽي ۾ خدمتون ڏنائين ۽ 1977ع ۾ آرھوس يونيورسٽي، ڊئنمارڪ ۾ خدمتون ڏنائين. 1983ع ۾ پي ايڇ ڊي جي ڊگري تي ڪئليفورنيا يونيورسٽي، بريڪلي ۽ پوءِ 1983ع کان 1991ع تائين جاھنس ھاپڪِنس يونيورسٽي ۾ پڙھائڻ لاءِ کيس دعوت ڏيئي گُھرايو ويو. ھي ھارورڊ - انسيڊ ۽ ورلڊ بئنڪ - اسٽئنفورڊ گريجوئٽ اسڪول آف بزنسز جي ليڊرشپ تربيتي پروگرام ۾ پڻ شريڪ رھيو. سندس تعليمي اڀياس "رياست کي ٺاھڻ ۽ سماجي تبديلي" تي مُشتمل ھُيو. 1985ع ۾ فُل برائٽ اسڪالر طور "پاڪستاني مدرسن" تي ھڪ سال جي فيلڊ ورڪ واري تحقيق مڪمل ڪيائين.[10]
غني 1991ع ۾ ورلڊ بئنڪ ۾ شامل ٿيو ۽ 1990ع واري ڏھاڪي جي اڌ تائين اوڀر ۽ ڏکڻ ايشيا جي رٿائن تي ڪم ڪيو.[11]
غني جديديت جو حامي آھي ۽ ٻنھي بادشاھن ڪنگ امان الله خان جيڪو 1920ع واري ڏھاڪي جو ترقي پسند افغان بادشاھ ٿي گُذريو[12] ۽ شھنشاھيتِ افغانستان جي اڳوڻي وزيراعظم جنرل سردار محمد دائود خان (جنھن 1970ع ۾ جمھوريہ افغانستان جي پھرين صدر طور خدمتون ڏنيون[13]) کي پسند ڪندڙ آھي.