From Wikipedia, the free encyclopedia
مالٽا(انگريزي: Malta ) جو سرڪاري نالو جمهوريه مالٽا آهي. ڏکڻ يورپ جي ميڊيٽرينين سمنڊ ۾ واقع ھي ملڪ ٻيٽن جو جھڳٽو آھي[4] جيڪو اٽلي کان ڏکڻ طرف 80 ڪلوميٽرن ۽ تيونس کان اوڀر طرف 284 ڪلوميٽرن ۽ لبيا کان اتر طرف 333 ڪلوميٽرن جي فاصلي تي واقع آهي[5]. ان جي آبادي 475,000 آهي ۽ پکيڙ 316 چورس ڪلوميٽر آهي. پکيڙ ۾ دنيا جو ڏھون نمبر ننڍو ملڪ آھي[6][7] ۽ دنيا جو پنجون نمبر وڏو گھاٽي آبادي وارو ملڪ آهي. گادي جو ھنڌ ويليٽا شھر اٿس. ھتان جي سرڪاري ۽ قومي ٻولي مالٽي يا مالٽيز آھي جيڪا سسلي واري عربي مان نڪتل ٻولي آھي. انگريزي ھتان جي ٻين سرڪاري ٻولي آھي.
جمهوريه مالٽا ريپبلڪ آف مالٽا | |||||
---|---|---|---|---|---|
| |||||
شُعار: '"طاقت ۽ ثابت قدميءَ سان" | |||||
ترانو: L-Innu Malti مالٽي ترانو | |||||
![]() مڪانيت مالٽا (سائي دائري ۾) – يورپ ۾ (ھلڪي سائي رنگ ۾ & تيز خاڪي رنگ ۾) | |||||
گادي جو هنڌ | ويليٽا 35°54′N 14°31′E | ||||
سڀ کان وڏو شھر | سينٽ پال وارو سمنڊ | ||||
دفتري ٻوليون | مالٽي,[e] انگريزي | ||||
ٻي ٻولي | اطالوي (66% ڳالھائڻ واري)[1] | ||||
نسلي گروھ (2019[2]) |
| ||||
مذهب | ڪيٿولسزم | ||||
مقامي آبادي | مالٽي يا مالٽيز | ||||
حڪومت | وحداني پارلياماني آئيني ريپبلڪ | ||||
• صدر |
جارج ويلا | ||||
• وزيراعظم |
رابرٽ ابيلا | ||||
مقننه | ھائوس آف ريپرزنٽيٽوز | ||||
آزادي يونائيٽيڊ ڪنگڊم کان | |||||
• مالٽا جي رياست |
21 سيپٽمبر 1964 | ||||
• ريپبلڪ جو قيام |
13 ڊسمبر 1974 | ||||
پکيڙ | |||||
• جملي |
316 km2 (122 sq mi) (185th) | ||||
• پاڻي (%) |
0.001 | ||||
آبادي | |||||
• 2011 مردم شماري |
416,055 | ||||
• گھاٽائي |
[اوزا تبديل: invalid number] (5th) | ||||
جِي ڊي پي (مساوي قوت خريد ) | 2019 لڳ ڀڳ | ||||
• ڪل |
$22.802 ارب ڊالر[3] | ||||
• في سيڪڙو |
$48,246[3] | ||||
جِي. ڊي. پي (رڳو نالي ۾ ) | 2019 لڳ ڀڳ | ||||
• ڪل |
$15.134 ارب ڊالر |
مالٽا ۾ انساني آبادي جي شروعات 5900 ق م ۾ ٿي ھئي[8] ان جو مقام رومي سمنڊ جي وچ ۾ آھي[9] ان ڪري اھو بحري فوج لاء ڇانوڻي جو ڪم ڏيندو رھيو آھي. تاريخ ۾ ان جي ڪري علائقائي طاقتن جھڙوڪ فونيشي، ڪارٿيجي، رومي، يوناني، عرب، نارمن، اريغونيزي، فرينچ ۽ برطانوي طاقتن جي قبضي ۾ رھيو آھي [10] انھن سڀني طاقتن ھن سرزمين تي پنھنجا تھذيبي نشان ڇڏيا آهن. 1813ع ھي ملڪ برطانوي ڪالوني بڻيو ۽ بحري جھازن جي اسٽيشن طور ڪم ايندو ھيو ۽ رومي سمنڊ اندر برطانوي بحري فوج جو صدرمقام ھيو. ٻين جنگ عظيم ۾ محوري قوتن ان جو محاصرو ڪيو ھو ۽ ھي ملڪ اتحادي فوجن جي اتر آفريڪا جي فوجي ڪاروائين جو مرڪز ھيو[11][12]. 1964ر ۾ برطانوي پارليامينٽ مالٽا انڊپينڊنس ايڪٽ پاس ڪري ھن ملڪ کي خودمختياري ڏني ۽ ملڪ جي رياستي سربراھ راڻي ايلزبيٿ II برقرار رھي[13] 1974ع ۾ ھي ملڪ ريپبلڪ ٿي ويو. ھي ملڪ قومن جي ڪامن ويلٿ ۽ گڏيل قومن جو رڪن آهي. 2004 م يورپي يونين ۾ شامل ٿي ويو. 2008 ۾ يورو زون جي مالياتي يونين جو حصو ٿي ويو. عربن جي دؤر ۾ ھتي مسلمان رھندا ھيا جن عيسائين کي بہ رھڻ جي آزادي ڏني پر نارمن اچڻ سان مذھب تبديل نہ ڪندڙ مسلمانن کي نيڪالي ڏني ڇڏي. ارغونيز جڏھن آيا تہ مذھب تبديل نہ ڪندڙ يھودين کي ھتان نيڪالي ڏني. ھن وقت ڪيٿولسزم ھن ملڪ جو سرڪاري مذھب آھي پر ملڪ جو موجوده آئين مذھبي آزادي جي اجازت ڏئي ٿو[14][15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.