![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/43/Bandarabbas-sahel-2.jpg/640px-Bandarabbas-sahel-2.jpg&w=640&q=50)
بندر عباس
From Wikipedia, the free encyclopedia
بندر عباس (انگريزي: Bander Abbas) ايران جو ھڪ مشھور شھر ۽ وڏي ۾ وڏو بندرگاھ جيڪو ھرمزگان صوبي جي گاديءَ جو ھنڌ آھي. ھي شھر ايراني نار (Persian Gulf) ۾ آبناءِ ھرمز جي ڪناري تي آباد آھي. ھتي ايران جي سامونڊي فوج جو سڀ کان اھم اڏو قائم آھي. ھي شھر بندر عباس شھرستان جي گاديءَ جو ھنڌ ۽ وڏي ۾ وڏو شھر آھي. 2016ع جي انگن اکرن مطابق ھن شھر جي آبادي 526,648 آھي[1]. ھي شھر تھران کان 1287 ڪلوميٽر، تبريز کان 1800 ڪلوميٽر، شيراز کان 577 ڪلوميٽر ۽ ڪرمان کان 477 ڪلوميٽر پري آباد آھي[2]. صفوي گھراڻي جي بادشاھ شاھ عباس اول جي نالي پٺيان ھن شھر کي بندر عباس سڏيو ويو[3]. ھي شھر ۽ بندرگاھ فوجي ۽ اقتصادي طور تي ايران جو ھڪ اھممرڪز آھي. ھن ئي بندرگاھ تان سمنڊ ذريعي زرتشت مذھب جا ڪيترائي پارسي ھندستان طرف ھجرت ڪري ويا جن جا پونئر اڄ سوڌو ھندستان جي شھر ممبئي ۽ پاڪستان جي شھر ڪراچيءَ ۾ آباد آھن. 1990ع واري ڏھاڪي کان وٺي ھاڻي تائين ايران ۾ اٽڪل 75 سيڪڙو پرڏيھي سامان جي رسد ھن بندرگاھ جي ذريعي ٿئي ٿي. ھتان جي مکيہ صنعتن ۾ ڪپڙو، ماھيگيري، تيل، اليومينيم ۽ اسٽيل شامل آھن[4].
Bandar Abbas بندرعباس گمبرون Gombroon | |||||||
---|---|---|---|---|---|---|---|
شھر | |||||||
| |||||||
| |||||||
عرفيت: کيکڙي جو بندرگاھ | |||||||
جاگرافي بيهڪ: 27°11′N 56°16′E | |||||||
ملڪ | ![]() | ||||||
صوبو | ھرمزگان | ||||||
شھرستان | بندر عباس | ||||||
ضلعو | مرڪزي | ||||||
بنياد پيو | 600 ق.م کان اڳ | ||||||
حڪومت | |||||||
• قسم | ميونسپالٽي | ||||||
بلندي | 9 ميل (30 ft) |