From Wikipedia, the free encyclopedia
La Ripùbblica Sucialista dû Vietnam è nu statu dû sud-est asiàticu. Cunfina cu la Cina, lu Laos, la Camboggia e lu Gulfu dû Tonchinu.
La capitali è Hanoi e s'attrova ntô nord. Ô sud s'attrova Ho Chi Minh City, la cità cchiù grossa dû Paisi.
La storia dû Vietnam ntô vintèsimu sèculu si carattirizza di na spartuta dû tirritoriu nti du' stati, lu Vietnam dû Sud e lu Vietnam dû Nord. Ntô nu cuntestu di guerra fridda chi carattirizzava la fini dâ secunna guerra munniali, lu Vietnam dû Sud e lu Vietnam dû Nord appartineru ê sferi di nfluenza strateggicu militari rispittivamenti dê Stati Uniti e di l'Unioni Suviètica. Chistu purtau ô sviluppu di na guerra, chi fu una dî cchiù sanguinusi dû sèculu.
La guerra dû Vietnam vinni cummattuta tra lu 1964 e lu 1975 ntô tirritoriu di lu Vietnam dû Sud e di li zoni cunfinanti di Camboggia e dû Laos, e in missioni di bummardamentu supra lu Vietnam dû Nord.
Na parti di li forzi 'n guerra era la coalizzioni dî Paisi fatta di Vietnam dû Sud, Stati Uniti, Corea dû Sud, Tailandia, Australia, Nova Zilanna, e li Filippini.
Di l’autra parti cc’era la coalizzioni fatta di Vietnam dû Nord e lu Fronti di Libbirazzioni Nazziunali dû Vietnam (FLN) canusciutu macari comu Viet Cong, nu muvimentu di guerriglia sudvietnamita. L’Unioni Suviètica e la Ripùbblica Pupulari Cinisi cci dèsiru aiuti militari ô Vietnam dû Nord e ô FLN, ma nun pigghiaru parti nni la guerra cu li soi surdati.
La guerra fu parti di nu cchiù granni cunflittu riggiunali ca mpricau macari li nazzioni cunfinanti di Camboggia e Laos, canusciutu macari comu “Secunna Guerra Indocinisi”.
Nta lu Vietnam, sta guerra è canusciuta comu la “Guerra Miricana” ('n vietnamita Chiến Tranh Chống Mỹ Cứu Nước, littiralmenti: Guerra contra li miricani pi sarvari la nazzioni).
Paisi dû Munnu | Asia |
Mediu Urienti: Arabbia Saudita | Bahrain | Cipru | EAU | Giurdania | Iran | Iraq | Israeli | Kuwait | Lìbbanu | Oman | Palestina | Qatar | Siria | Turchìa | Yemen |
Asia cintrali: Afganistan | Armenia | Azzirbaiggian | Giorgia | Kazakistan | Kirghizistan | Russia | Tagikistan | Turkmenistan | Uzbekistan |
Suttacuntinenti innianu: Bangladesci | Bhutan | India | Maldivi | Nepal | Pakistan | Sri Lanka |
Asia livanti: Cina | Giappuni | Corea dû Nord | Corea dû Sud | Mongolia | Taiwan |
Asia dû Sud-est: Brunei | Camboggia | Filippini | Indunesia | Laos | Malesia | Myanmar | Singapura | Thailandia | Timor Est | Vietnam |