Coppa Ntircuntinentali (palluni)
From Wikipedia, the free encyclopedia
La Coppa Ntircuntinentali fu nu trofeu ca fici la UEFA câ CONMEBOL ca si jucò dû 1960 a lu 2004 ntra li squatri campiuna dî dui cuntinenti nettamenti cchiù forti a liveddu nazziunali (na vota li squatri nazziunali eranu lu specchiu di li campiunata sennuci cchiù picca regule permissivi pi li jucatura straniera) e cchiù sviluppati a liveddu caucisticu, l'Europa e l'Amèrica dû Sud. Cu vincìa vinìa accunsiderato campiuni dû munnu de facto da lu movimentu caucìstico nternazziunali. Ntô 2005 ssu trufeu fu arricanusciutu dâ FIFA comu turneu antinatu dâ Coppa dû munnu pi club FIFA; sparti, ntô 2017, la FIFA arricanuscìu a tutti li squatri ca vinceru la coppa, lu tìtulu ufficiali (de jure) di Squatri di palluni campiuna dû munnu FIFA.[1] Ntô 2005 (ntô 2000 cci fu lu turneu pilota) la Coppa Ntircuntinentali lassò lu postu a lu torneu chiamatu Coppa dû munnu pi club FIFA (palluni) ca nasciù pi canciari la Coppa Ntircuntinentali picchì lu cauciu si sviluppò a bonu liveddu 'n àutri cuntinenti. Secunnu li sperti di cauciu la Coppa Ntircuntinentali fu la competizziuni caucistica cchiù ffascinanti ca esistiu grazia a lu equilibriu (nte li partiti i economicu) i alli reguli supra li jucatura stranieri chi gradualmenti favurirunu li squatri europei i ndebbulirunu li squatri sudamericana.[2]