Territòrios de su Norti-Uestu

Is Territòrios de su Norti-Uestu (in inglesu Northwest Territories [NWT], in frantzesu les Territoires du Nord-Ouest [TNO]) sunt unu territòriu chi s'agatat in su norti de su Cànada. Sa capitale est Yellowknife.

Artìculu in LSC

Allàcanant in s'estu cun su territòriu de Nunavut, in su sud cun is provìntzias de Manitoba, Saskatchewan, Alberta e Colùmbia Britànnica, in s'uestu cun su Yukon e in su norti tenet bessida in su mare àrticu.

Is Territòrios de Norti-Uestu tenent istèrrida de unos 1,1 milliones de km² e contant populatzione de 41.464 residentes, chi pro su 55% sunt nativos americanos, prus a totu de etnias Dene, Métis, Inuit.

Tzèdidu a su Cànada in su làmpadas 1870 su territòriu fiat in orìgine meda prus istèrridu. Nde faghiant parte totu is terras chi s'isterrent de sa penìsula de su Labrador a su Patzìficu, ma manna parte de custas ddi sunt istadas ischirriadas cun s'ordinamentu fatufatu de is bàrias provìntzias. Sa prima fiat sa de Manitoba, in su triulas 1870, ammanniada pois in su 1881.

Sighiat su 20 de triulas 1871 sa Colùmbia Britànnica e in su 1882 Regina e su distretu de Assiniboia.

In su matessi annu Ontàrio fiat ammanniadu. In su 1898 medas terras fiant tzèdidas a su Québec e su territòriu de Yukon ischirriadu.

In su 1905 fiant fundadas is provìntzias de Alberta e Saskatchewan (de chi Regina diat èssere cabulogu).

In su 1912 Manitoba, Québec e Ontàrio fiant torrados a ammanniare pro azunghere i s istèrridas de oe.

Fintzas a su 1999 is Territòrios teniant noantamas galu istèrrida prus manna de s'Ìndia. Su 1 de abrile de cuss'annu però is 3/5 sunt istados ischirriados pro costituire su territòriu nou de Nunavut.

S'economia s'apoderat subra s'estratzione de risursas mineràrias de chi sa regione est rica meda. Su PIL peròmine de su territòriu, bida fintzas a densidade meda bàscia de populatzione, est su prus artu in su mundu.

Is territòrios de Norti-Uestu sunt unu de is logos prus fridos e in ue est prus grae bìvere de totu su Cànada.