Alsàtzia

S'Alsàtzia (in frantzesu: Alsace [al.zas]; in alsatzianu: ’s Elsass [ˈɛlsɑs]; in tedescu: Elsass o Elsaß [ˈɛlzas]); in latinu: Alsatia) est una regione istòrica e fiat una regione amministrativa de sa Frantza orientale, chi dae su 1 de gehnnàrgiu 2016 costituit sa regione de Grand Est impare a sas àteras ex-regiones de Lorena e de Champagne-Ardennas. Su cabulogu fiat Strasbourg.

Tenebat istèrrida de 8.280,2 km², chi nde faghebat sa de chimbe prus pitias intre de is 27 regiones frantzesas, contabat populatzione de unos 1.815.500 bividores, cun densidade de 224 biv./km², sa de sete prus arta de sa natzione.

Allàcanat in s'estu peri su frùmene Renu, cun su Land de Baden-Württemberg e in su norti cun su de Renània-Palatinadu, Germània, in su sud cun s'Isvìtzera, in su sud-uestu cun sa regione de Franca Contea e in s'uestu cun sa de Lorena.

S'Alsàtzia fiat linguìsticamente e culturalmente prus ligada a sa Germània, ma at sighidu de acuntèssidas e detzisiones istòricas, a ùrtimas is duas gherras mundiales, est in die de oe territòriu amministradu de sa Frantza.

Sa limba istòrica sua est difatis s'alsatzianu, chi est prus pretzisamente unu dialetu de su tedescu faeddadu in ie, in una parte de sa Lorena e fintzas de s'àteru cantone de su Renu, in Germània. Is alsatzianos oe faeddant però frantzesu, sola limba uffitziale de sa Frantza. Su 43% de sa populatzione adulta est capatzu de faeddare galu s'alsatzianu, ma petzi su 3% de cuddos intre 3-17 annos ddu connoschet.

S'Alsàtzia est sea de numerosas organizatziones e istitutziones internatzionales, cosa chi politicamente nde faghet una de is prus importantes regiones de s'Unione Europea.