Ìsulas Marchesas

Is ìsulas Marchesas (in frantzesu, Îles Marquises; in marchesanu, Henua enana o Fenua enata) sunt unu artzipèlagu in sa Polinèsia Frantzesa. Ant retzidu su nùmene de s'ispagnolu Álvaro de Mendaña chi ddas aiat invàdidas in su 1595, dende·ddi nùmene de «Islas Marquesas de Mendoza» in onore de su tando visurrei ispagnolu de Perù, García Hurtado de Mendoza y Manríquez, marchesu de Cañete. Is ìsulas sunt s'artzipèlagu prus mannu de totu is chi formant sa Polinèsia Frantzesa, cun unos 997 km² e unos 9.346 bividores. S'agatant postas intre 700 e 1000 chilòmetros a sud de s'ecuadore e a unos 1800 chilòmetros a su nord-est de Tahiti. Is ìsulas chi cunponent s'artzipèlagu sunt partzidas in duos grupos: su de su norte, cun is chi istant a giru de sa ìsula de Nuku Hiva chi incluit Ua Pou e Ua Huka; e su grupu meridionale de Tahuata, Moho Tani y Fatu Hiva, chi inghìriant s'ìsula printzipale de Hiva’Oa. Si creet ca is bividores de s'ìsula de Pasca fiant aproliados dae is Marchesas.

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Bandera

Posidura in su mundu

Is ìsulas marchesas ant ispiradu a Herman Melville, is cales esperièntzias in ie sunt istadas sa base de is dromanzos Typee e Omoo. In is ìsulas Marchesas teniat residèntzia s'artista frantzesu Paul Gauguin.

Àteros progetos