SETI@home
From Wikipedia, the free encyclopedia
SETI@home (“SETI at home") est unu progetu de càrculu distribuidu voluntàriu chi impreat elaboradores acapiados a ìnternet acasagiadu dae sa Space Sciences Laboratory a s'Universidade de sa Califòrnia, Berkeley, in sos Istados Unidos. SETI est s'acrònimu de Search for Extra-Terrestrial Intelligence (Chirca de abbistesa extra-terrestre) e su fine suo est analizare signales ràdiu pro chircare signos de abbistesa extra terrestre. Custa est una de sas medas fainas de su progetu SETI. Su programma SETI@home est istadu distribuidu a su pùblicu su 17 maju 1999.
Artìculu in LSC
In passadu est istadu su progetu de càrculu distribuidu cun su nùmeru prus mannu de partetzipantes e est istadu reconnotu dae su Guinness de sos primados comente a su càrculu prus mannu in s'istòria.[1]
Su 3 martzu 2020 ant annuntziadu chi su 31 martzu no ant a èssere prus frunidos datos de càrculu a sos partetzipantes a su progetu, ca sa cantidade de datos regortos est bastante pro su momentu e is chircadores s'ant a cuntzentrare subra s'anàlisi de is chi tenent.[2][3]