From Wikipedia, the free encyclopedia
Potenza (AFI: /poˈtɛnʦa/; Puténzë in dialetu potentinu) est una comuna italiana de unos 66391 bividores, cabulogu de sa regione Basilicata e de sa provìntzia omònima. Est sa prima comuna de sa regione pro populatzione[1].
Artìculu in LSC
Est nòdida comente a "Tzitade verticale" pro sa piessigna istrutura urbanìstica[2], chi presentat su tzentru istòricu postu in su montigru prus artu e sos àteros bighinados postos a artàrias a pagu a pagu inferiores; cun is suos 819 metros de artària s.l.m. Potenza est su cabulogu de regione postu a sa cuota prus arta in Itàlia[3] e est su segundu pro artària intre sos cabulogos de provìntzia a pustis de Enna.[4] Est nodida fintzas che a "tzitade de sas chentu iscalas"[5] o "città delle scale"[6], pro more de su sistema suo de iscalas, antigas e modernas, chi colligat is vàrias partes de su tzentru urbanu: sa tzitade possedit, difatis, su sistema de iscalas mòbiles pro su trasportu pùblicu de majore istèrrida in Europa[7] e su segundu a su mundu a pustis de su de Tòkyo[8][9].
Cabulogu de sa Basilicata dae su 1806[10][11], sede de s'Universidade de sa Basilicata dae su 1982, Potenza est una de sas pagas tzitades italianas a èssere istadas onoradas de duas medàllias de oro: sa prima che a tzitade benemèrita de su Risorgimentu natzionale, in su 1898, sa segunda che a medàllia de oro a su mèritu tzivile, in su 2005.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.