From Wikipedia, the free encyclopedia
S'Organizatzione Mundiale de sa Salude o fintzas Organizatzione Mundiale de sa Sanindade[1] (OMS) (WHO in s'acrònimu in inglesu) est un'agèntzia de s'Organizatzione de sas Natziones Unidas (ONU) (Natziones Unidas) cun sede in Ginevra (Isvìtzera) chi faghet de autoridade coordinadora in temas de salude pùblica internatzionale; est ispetzializada in sa gestione de sas polìticas de preventzione, promotzione e interventu sanitàriu a livellu mundiale. Sos 193 Istados membros de s'OMS guvernant s'Organizatzione pro mèdiu de s'Assemblea Mundiale de sa Salude. S'Assemblea est cumposta dae rapresentantes de totu sos Istados membros de s'OMS.
Artìculu in LSC
S'OMS est istada fundada pro proposta de su Cussìgiu Econòmicu e Sotziale de s'ONU chi at dadu impulsu a sa redatzione de sos primos istatutos de s'OMS. Sa costitutzione e prima reunione de s'OMS at tentu logu in Ginevra, su 7 de abrile de su 1948, ratificada dae 26 istados membros. Eredaiat bona parte de sos mandados e risursas de s'Organizatzione de Salude chi fiat istada s'agèntzia de sa Sotziedade de Natziones pro sos temas de salude.
S'obietivu de s'OMS, aici comente pretzisadu in sa relativa costitutzione, est sa resèssida a banda de totus sas populatziones, de su livellu prus artu possìbile de salude, definida in sa costitutzione totu che cunditzione de cumpletu benistare fìsicu, mentale e sotziale, e non feti che ausèntzia de maladia o de infirmidade. Est membru de su Grupu pro s'isvilupu de sas Natziones Unidas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
