Non tzitadinos (Letònia)

Is non tzitadinos de Letònia sunt cussas persones chi, mancari tenende de unu passaportu lètone, chi non tenent deretu a sa tzitadinàntzia lètone. Cunforme a sa lege, petzi sunt lètones de prenu deretu is bividores de Letònia chi ddu fiant su 17 de làmpadas de su 1940, is de iscratza dereta issoro e is naturalizados mediante un'esàmene. Pro s'in prus is "non tzitadinos" sunt tzitadinos sovièticos antigos chi fiant arribados a su paisu cando custu fiat parte de su territòriu natzionale de s'Unione Soviètica. Rapresentaiant prus de 290.000 persones (14.1% de sa populatzione) a su 1 de martzu de su 2011.

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Segundu sa lege lètone is non tzitadinos non sunt apàtrides, dae chi a is efetos internatzionales sunt rapresentados dae unu passaportu lètone, mancari "pro istràngios". Comente non sunt tzitadinos de prenu deretu, non tenent deretos eletorales e nemmancu unos cantos àteros deretos.^[1]​

Pro otènnere sa tzitadinàntzia, is non tzitadinos depent acumprire tzertos rechisitos, comente pro esempru, un'esàmene subra sa legislatzione fundamentale, s'istòria e sa limba lètones. In prus, depent giurare subra sa Costitutzione lètone, gasi comente èssere capatzos de resare su testu de s'innu natzionale lètone.^[2]​

Pro esempru, s'ex sìndigu de Riga Nils Ušakovs, de ereu russu, si fiat fatu in tzitadinu naturalizadu de Letònia in su 1999.

Demografia de sa Letònia

Grupu ètnicu[3]	Nùmeru de is Non-Tzitadinos	Pertzentuale de is Non-Tzitadinos in su grupu	Pertzentuale de su nùmeru totale de is Non-Tzitadinos
Russos	155 931	28.2	65.6
Bielorussos	32 672	47,7	13,7
Ucrainos	23 290	45,8	9,8
Polacos	8342	18,5	3,5
Ebreos	1990	23,3	0,8
Lètones	561	0,04	0,2
Àteros	14 973	.	6,3
Totale	237.759	11,2	100

Riferimentos

1. (EN) Citizens of a Non-Existent State (PDF), in rusojuz.lv. URL consultadu su 22 ghennàrgiu 2022 (archiviadu dae s'url originale su 10 santandria 2017).
2. (ES) El estado de los derechos humanos en el mundo, in archive.amnesty.org. URL consultadu su 22 ghennàrgiu 2022 (archiviadu dae s'url originale su 17 nadale 2010).
3. (LV) Latvijas iedzīvotāju sadalījums pēc nacionālā sastāva un valstiskās piederības (PDF), in pmlp.gov.lv, 14 cabudanni 2017. URL consultadu su 22 ghennàrgiu 2022 (archiviadu dae s'url originale su 14 cabudanni 2017). Paràmetru disconnotu accesso ignoradu (agiudu)