Navigadore web
Navigadore in lìnia pro bisitare giassos in lìnia / From Wikipedia, the free encyclopedia
Unu navigadore web, (fintzas browser) est un'aplicatzione pro bisitare giassos (o sitos) web. Cando un'impitadore pedit una pàgina web dae unu giassu, su navigadore leat is archìvios suos dae unu serbidore web e ammustrat sa pàgina in s'ischermu de s'impitadore. Is navigadores s'impreant in tipos vàrios de dispositivu, comente elaboradores de iscrivania, portàtiles, tauleddas e telefoneddos. In su 2020, unu nùmeru carculadu de 4.9 milliardos de persones ant impreadu unu navigadore.[1] Su prus navigadore impreadu est Google Chrome, cun una cuota de mercadu globale de su 65% in totu is dispositivos, sighidu dae Safari cun su 18%.[2]
campidanesu · logudoresu · nugoresu
Unu navigadore no est sa pròpiu cosa de unu motore de chirca, mancari is suas cosas siant bortas medas confùndidas.[3][4] Unu motore de chirca est unu situ web chi frunit ligòngios a àteros sitos. Comente si siat, pro s'acapiare a su serbidore de unu situ e nde bìdere is pàginas, s'impitadore bolet unu navigadore installadu.[5] Is unos cantu cuntestos tècnicos, a su navigadore ddi narant "user agent."