atleta sarda From Wikipedia, the free encyclopedia
Maria Aurora Salvagno (S'Alighera, 3 de martzu de su 1986) est una atleta de cursas lestras sarda.
campidanesu · logudoresu · nugoresu
{{{Nùmene}}} | ||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Tzitadinàntzia | Itàlia | |||||||||||||||||||||||||||||||||||||||||||||
Artària | 173 cm | |||||||||||||||||||||||||||||||||||||||||||||
Pesu | 56 kg | |||||||||||||||||||||||||||||||||||||||||||||
Atlètica lèbia | ||||||||||||||||||||||||||||||||||||||||||||||
Ispetzialidade | Lestresa | |||||||||||||||||||||||||||||||||||||||||||||
Record | ||||||||||||||||||||||||||||||||||||||||||||||
55 m | 7"08[1] (indoor - 2004) | |||||||||||||||||||||||||||||||||||||||||||||
60 m | 7"34[2] (indoor - 2009) | |||||||||||||||||||||||||||||||||||||||||||||
80 m | 9"57[3] (2010) | |||||||||||||||||||||||||||||||||||||||||||||
100 iardas | 11"22 (2003) | |||||||||||||||||||||||||||||||||||||||||||||
100 m | 11"50[4] (2009) | |||||||||||||||||||||||||||||||||||||||||||||
150 m | 17"90[5] (2011) | |||||||||||||||||||||||||||||||||||||||||||||
200 m | 24"13[6] (2008) | |||||||||||||||||||||||||||||||||||||||||||||
300 m | 39"56[7] (2004) | |||||||||||||||||||||||||||||||||||||||||||||
4×100 m | 43"66[8] (2009) | |||||||||||||||||||||||||||||||||||||||||||||
Longu | 5,15 m[9] (2000) | |||||||||||||||||||||||||||||||||||||||||||||
Carriera | ||||||||||||||||||||||||||||||||||||||||||||||
Sotziedade | ||||||||||||||||||||||||||||||||||||||||||||||
1998-2002 | S.S. Gymnasium Alghero | |||||||||||||||||||||||||||||||||||||||||||||
2002-2010 | CUS Sassari | |||||||||||||||||||||||||||||||||||||||||||||
2006-2015 | Aeronàutica militare italiana | |||||||||||||||||||||||||||||||||||||||||||||
2011-2015 | CUS Bari | |||||||||||||||||||||||||||||||||||||||||||||
2016- | CUS Sassari | |||||||||||||||||||||||||||||||||||||||||||||
Palmarès | ||||||||||||||||||||||||||||||||||||||||||||||
| ||||||||||||||||||||||||||||||||||||||||||||||
Istatìsticas agiornadas a su 21 trìulas 2011 |
Allenada dae Luca Ceglie, faghet parte de su Tzentru Isportivu de s'Aereonàutica Militare.
Cun s'istafeta 4x100 metros at bintu duas medàllias de oro a livellu internatzionale: in su 2007 in sos Campionados mundiales militares de atlètica lèbia in Hyderabad, in Ìndia, in paris cun Anita Pistone, Rita De Cesaris e Micol Cattaneo; in su 2009 in sa XXV Universiade de Belgradu in Sèrbia currende cun Audrey Alloh, Doris Tomasini e Giulia Arcioni.
In sa carriera sua podet bantare unu tìtulu de campionessa italiana assoluta indoor in sos 60 metros pranos (2010), chimbe tìtulos de campionessa natzionale universitària in sos 100 metros pranos (2006, 2007, 2009, 2010, 2012) e oto tìtulos italianos giovaniles.
Maria Aurora Salvagno naschet in una famìlia numerosa, cun 11 cumponentes (babbu, mama, chimbe frades, tres sorres e issa). Incumentzat a praticare s'atlètica lèbia in su 1998, a s'edade de 12 annos, faghende s'esòrdiu suo in sa categoria piseddas (12-13 annos). S'annu chi sighet, faghende a gara pro sa Sotziedade Isportiva Gymnasium Atlètica S'Alighera (su tècnicu de sa cale, Marco Ciccarella, l'at allenada dae su 1998 a su 2010), si faghet notare in presse currende in su 1999, a 13 annos, sos 60 metros in 7"9 in sa categoria piseddas e in su 2000, a 14 annos, sos 80 metros in 9"8 in sa categoria cadetas.[10] Partètzipat a Fano, in su 2000, a su Criterium natzionale cadetos/e (una casta de campionadu natzionale de categoria), lompende a èssere sa de bator in sos 80 m e de noe cun s'istafeta 4x100 m.
In su 2001 in Isernia, semper in su Criterium natzionale cadetos/e, at bintu sa medàllia de prata in sos 80 m e est lòmpida a èssere sa de bator cun s'istafeta 4x100 m.
In su 2002 colat a su C.U.S. Tàtari e otenet sas primas medàllias siat a livellu istatale (brunzu in sos 60 m a sos campionados italianos dischentes indoor e prata in sos 100 m a sos campionados italianos dischentes outdoor) siat a livellu internatzionale, conchistende duas pratas in sos 100 m e in s'istafeta 4x100 m, a sas XII Gymnasiadi fatas in Caen, in Frantza[11].
In su biènniu 2003-2004 at bintu 5 medàllias de oro in sas finales natzionales a livellu giovanile e una de prata: in su 2003 in sos 60 m in sos italianos dischentes indoor e in sos 200 m in sos italianos dischentes outdoor (in paris cun una de prata cun s'istafeta 4x400 m); in su 2004 tres oros in sos 60 m in sos italianos giovaniles indoor, e posca dopieta in sos italianos junior pro 100 e 200 m. Semper in su 2004, sa de ses in sos 60 m indoor in sos assolutos indoor. In su 2005 at bintu 4 medàllias, de cada metallu, a livellu natzionale: in sos 60 m oro in sa categoria promìtidas e brunzu in sos assolutos, duas pratas in sos 100 m siat a livellu giovanile cun sas promissas chi a livellu assolutu.
In su 2003, a livellu internatzionale, at bintu, in sas Azorras in Portugallu, s'oro in sos 100 m in sos Giogos de sas ìsulas; at pigadu parte fintzas a sos Mundiales dischentes de Sherbrooke in Canadà: semifinale in sos 100 m e bateria cun s'istafeta isvedesa. In fines, in su Fèstival olìmpicu de sa gioventude europea in Parigi, in Frantza, est istada sa de sete in sos 100 m e de ses cun sa 4x100 m.
In cumpetitziones internatzionales in su 2004 at fatu a gara, in sos Mundiales junior de Grosseto in Itàlia, otenende sa semifinale in sos 100 m e sa de ses positziones cun sa 4x100 m.
In su làmpadas de su 2005 l'ant cunvocada cun s'iscuadra de s'istafeta 4x100 m pro sa XXVI editziones de sa Copa Europa de atlètica lèbia in Itàlia, a Firentze[12], chene, però, chi issa apat pigadu parte a sa gara. In sos Europeos junior de Kaunas in Lituània est lòmpida comente sa de sete in sos 100 m e de bator in sos 4x100 m. In su mese de austu de su matessi annu at pigadu parte, cun s'istafeta 4x100 m in sos Mundiales outdoor in Hèlsinki, in Finlàndia, essinde in bateria su 12 de austu.
Durante sos primos meses de su 2006[13] at tentu carchi problema fìsicu chi l'ant impedidu de afrontare s'istajone indoor, non pighende parte tando a sos assolutos ierriles.[14] In su beranu de su 2006 at otentu su dòpiu tesseramentu pro su Tzentru Isportivu de s'Aereonàutica Militare e su C.U.S. Tàtari. In s'istajone outdoor de su matessi annu, at conchistadu tres medàllias in sos 100 m totu de materiale diferente: de brunzu in sos italianos assolutos, de oro in sos universitàrios e de prata in sa categoria promissas. Semper in su 2006 in sos 200 m a sos assolutos s'est firmada in bateria e posca, in sos universitàrios, est istada sa de chimbe in sos 200 m e de ses in sa 4x100 m; e, in prus, sa de bator in sos 200 m in sos campionados promissas.
In su 2007 est arribbada sa de chimbe a sos assolutos 60 m indoor e at bintu chimbe medàllias de ogni metallu: tres de oro, de sas cales duas in sos campionados italianos promìtidas (60 e 100 m), e una in sos campionados natzionales universitàrios (100 m), una de prata in sos italianos assolutos (100 m), una de brunzu in sos universitàrios (200 m). Semper in su 2007 in sos assolutos outdoor est arribbada sa de bator in sos 200 m.
In su matessi annu, a livellu internatzionale, at bintu s'oro cun s'istafeta 4x100 m in sos Giogos mundiales militares in Hyderabad in Ìndia e est arribbada prima cun s'istafeta 4x100 m in sa First League de Copa Europa fata in Itàlia, in Milanu; in sos Europeos under 23 a Debrecen in Ungheria at acabadu comente sa de oto in sos 100 m e sa de bator cun sa 4x100 m. Annotamala, in s'Universiade de Bangkok in Thailàndia, at serradu comente sa de sete in sos 100 m e sa de chimbe in sa 4x100 m.
Durante sos primos meses de su 2008[15] at tentu unos cantos problemas fìsicos, chi l'ant impedidu de afrontare s'istajone indoor, non podende duncas partetzipare a sos assolutos ierriles.[16] In s'istajone outdoor de su matessi annu, at bintu sa prata in sos 100 m in sos italianos categoria promìtidas; mentras in sa finale de sos 200 m no at fatu a gara. Semper in su 2008 no at pigadu parte a sos campionados natzionales universitàrios de Pisa. Su 9 de trìulas de su 2008 at istabilidu, in Nùgoro, durante sa XXII editzione de su Memorial "Paolo Delogu", su primadu personale in sos 200 m currende sa distàntzia in 24"13. In sos assolutos outdoor de su matessi annu est lòmpida a de ses positziones in sos 100 m e in finale, chene bi pigare parte, in sos 200 m.
Semper in su 2008, at isfioradu sa partetzipatzione a sas Olimpìades de Pechinu; belle tzerta finas a s'ùrtimu de bi pigare parte comente a sa de chimbe cumponentes de s'istafeta 4x100 m, imbetzes a pustis de sa finale de sa gara individuale in sos 100 m in sos campionados italianos assolutos de Casteddu, su diretore tècnicu Nicola Silvaggi at prefertu a seberare Martina Giovanetti, lòmpida che a sa de tres, in antis a sa Salvagno arribbada che a sa de ses.[17][18]
In Copa Europa a Annecy in Frantza est istada sa de ses in sa sèrie extra de sos 100 m.
In su 2009 at conchistadu 4 medàllias de materiales diferentes in sos campionados natzionales: prata in sos 60 m in sos italianos assolutos indoor, duos in sos campionados natzionales universitàrios (oro in sos 100 e prata in sos 200 m) e infines brunzu in sos 100 m in sos italianos assolutos outdoor; in sos 200 m, semper in sos assolutos outdoor, fiat iscrita ma non at fatu a gara. Su primadu personale suo in sos 60 metros (7"34), cùrridu su 7 de martzu de su 2009, la còllocat a su 6º postu a livellu italianu assolutu in paris cun Rita Bottiglieri e Vincenza Calì.
In sos Europeos indoor in Itàlia, in Torinu, est istada sa de oto in sos 60 m. Su 43"66 cùrridu a Leiria in Portugallu su 21 de làmpadas de su 2009 in sa Super League de Copa Europa cun s'istafeta 4x100 m (Pistone-Salvagno-Arcioni-Alloh) est su 8º tempus all time assolutu italianu in sa distàntzia, mentras in sos 100 m est istada prata in sa bateria sua. Su 1u de trìulas de su 2009 in Pescara, in ocasione de sos de XVI Giogos de su Mediterràneu, at istabilidu su primadu personale in sos 100 m cugugende sa distàntzia in 11"50 e, a pustis, in finale at serradu in su de ses postos. At pigadu parte fintzas a sos Mundiales militares de Sofia in Bulgaria lompende a èssere sa de bator in sos 100 m.
Semper in su 2009 at bintu tres medàllias a livellu internatzionale de sas cales: duas cun s'istafeta 4x100 m, de prata in sos Giogos de su Mediterràneu de Pescara in Itàlia e de oro in sa XXV Universiade de Belgradu in Sèrbia (in ue est istada sa de bator in sos 100 m) e una de prata in sos 60 m in sa Copa mundiales militares indoor fatas in Grètzia, in Atene.
In su 2010 at conchistadu su primu, e finas a como ùnicu, tìtulu italianu assolutu suo: su 28 de freàrgiu de su 2010, in Ancona, at bintu sa finale natzionale de sos 60 m indoor; in su mese de martzu de su matessi annu at pigadu parte a sos Mundiales indoor a Doha in Qatàr essinde in semifinale. Su 26 de abrile de su 2010 currende sos 80 m in 9"57 in su de XIV Trofeos Provìntzia de Tàtari at istabilidu su rècord italianu assolutu nou, mègius de cuddu de Daniela Graglia (9"61 istabilidu su 1u de maju de su 2007 in su Meeting de Beranu de Mondovì), ma non l'ant mai omologadu.[19] In su maju de su 2010, in Campubassu, at bintu sa medàllia de oro in sos campionados natzionales universitàrios in sos 100 m. In su matessi annu, est arribbada sa de sete in sos 100 m in sos assolutos outdoor.
In sa Super League de s'Europeu pro natziones a Bergen in Norvègia est istada sa de sete cun sa 4x100 m.
De su 2011 tenet su dòpiu tesseramentu cun su Tzentru Isportivu de s'Aereonàutica Militare e su CUS Bari. Comente a gradu militare a s'internu de s'Aereonàutica Militare est Primo aviere seberadu[20].
In su 2011 at bintu sa medàllia de prata in sos natzionales assolutos indoor in sos 60 m e arribbat sa de ses in sa finale in sos 100 m de sos assolutos natzionales. In su maju de su matessi annu, fintzas essende intre sas partetzipantes siat in sos 100 chi in sos 200 m, no at cùrridu in niuna de ambas sas garas de sos Campionados Natzionales Universitàrios fatos in Torinu.
In manifestatziones internatzionales in su 2011, at fatu a gara in Rio de Janèiro, in Brasile, in ocasione de sos Giogos mundiales militares: semifinale in sos 200 m e de bator locos cun sa 4x100 m; in sa Super League de s'Europeu pro natziones in Isvètzia, in Istocolma, est istada sa de deghe cun sa 4x100 m.
In su 2012 no at pigadu parte nen a sos Campionados italianos assolutos de atlètica lèbia indoor[21] nen a sos Campionados italianos assolutos de atlètica lèbia[22]. Su matessi annu, s'est agiudicada s'oro in sos 100 m in sos universitàrios natzionales e imbetzes in sos 200 m, fintzas si fiat intre sas partetzipantes, no at fatu a gara.
In su 2013 lompet a sa de chimbe positziones in sos 60 m in sos assolutos indoor, non pigat parte a sa finale de sos 100 m in sos universitàrios e in sos 200 m, fintzas si fiat intre sas partetzipantes, non faghet a gara; a sa fine non barigat sa bateria in sos 100 m in sos assolutos outdoor.
In su 2014 no at pigadu parte nen a sos Campionados italianos assolutos indoor de Ancona nen a cussos outdoor de Rovereto.
A pustis de un'annu e mesu de ausèntzia dae sos assolutos (s'ùrtima partetzipatzione a cussos outdoor de Milanu in su 2013), torrat a cussos a su cugugiadu de Pàdova in su 2015, in ue arribat a sa finale de sos 60 m acabende in sa de oto positziones; a sos assolutos a s'abertu a Torinu, non superat sa bateria de sos 100 m.
In su martzu de su 2016 pigat parte, in Ancona, a sos campionados italianos assolutos indoor e benit iscualificada in sa bateria de sos 60 m.
Istajone | Tempus | Logu | Data | Rank. Mond. |
---|---|---|---|---|
2015 | 7"61 | Pàdova | 22-2-2015 | |
2014 | 7"72 | Ancona | 5-2-2014 | |
2013 | 7"47 | Roma | 13-1-2013 | 242ª |
2012 | 7"53 | Roma | 29-1-2012 | |
2011 | 7"48 | Ancona | 20-2-2011 | 237ª |
2010 | 7"37 | Ancona | 28-2-2010 | 111ª |
2009 | 7"34 | Torino | 7-3-2009 | 77ª |
2007 | 7"43 | Ancona | 28-1-2007 | 144ª |
2005 | 7"49 | Ancona | 19-2-2005 | 217ª |
2004 | 7"55 | Ancona | 7-2-2004 | 318ª |
2003 | 7"66 | Ancona | 1-2-2003 | 560ª |
2002 | 7"78 | Ancona | 2-2-2002 |
Istajone | Tempus | Logu | Dada | Rank. Mond. |
---|---|---|---|---|
2015 | 12"02 | Torinu | 25-7-2015 | |
2014 | 12"13 | Isernia | 30-8-2014 | |
2013 | 11"82 | Gavardo | 19-5-2013 | 705ª |
2012 | 11"73 | Messina | 26-5-2012 | 536ª |
2011 | 11"65 | Donnas | 3-7-2011 | 338ª |
2010 | 11"60 | Nùgoro | 14-7-2010 | 262ª |
2009 | 11"50 | Pescara | 1-7-2009 | 178ª |
2008 | 11"66 | Casteddu | 19-7-2008 | 377ª |
2007 | 11"57 | Debrecen | 12-7-2007 | 249ª |
2006 | 11"54 | Avezzano | 20-8-2006 | 194ª |
2005 | 11"73 | Bressanone | 25-6-2005 | 405ª |
2004 | 11"83 | Rieti | 11-6-2004 | 587ª |
2003 | 11"98 | Sherbrooke | 10-7-2003 | 851ª |
2002 | 12"11 | Caen | 1-6-2002 | |
2001 | 12"47 | Gorizia | 10-6-2001 |
Istajone | Tempus | Logu | Data | Rank. Mond. |
---|---|---|---|---|
2015 | 24"95 | Isernia | 29-8-2015 | |
2013 | 24"72 | Bari | 5-5-2013 | |
2012 | 24"58 | Frascati | 20-6-2012 | |
2011 | 24"40 | Àrthana | 30-7-2011 | 1 001ª |
2010 | 24"46 | Tàtari | 15-7-2010 | 1 069ª |
2009 | 24"34 | Tàtari | 11-9-2009 | 894ª |
2008 | 24"13 | Nùgoro | 9-7-2008 | 665ª |
2007 | 24"25 | Bressanone | 17-6-2007 | 733ª |
2006 | 24"14 | Rieti | 23-7-2006 | 582ª |
2005 | 24"90 | Casteddu | 15-5-2005 | 1 518ª |
2004 | 24"57 | Rieti | 12-6-2004 | |
2003 | 24"70 | Tàtari | 1-6-2003 |
Anno | Manifestatzione | Sede | Eventu | Resurtadu | Tempus | Nòdidas |
---|---|---|---|---|---|---|
2002 | Gymnasìadies | Caen | 100 m pranos | Prata | 12"18 | [24] |
Istafeta isvedesa | Prata | 2'10"63 | ||||
2003 | Giogos de sas ìsulas (COJI) | Azorras | 100 m pranos | Oro | 12"06 | |
Mundiales dischentes | Sherbrooke | 100 m pranos | Semifinale | 12"06 | ||
Istafeta isvedesa | Bateria | 2'14"61 | [25] | |||
Fèstival olìmpicu de sa gioventude europea |
Parigi | 200 m pranos | 7ª | 24"85 | [26] | |
4x100 m | 6ª | 47"40 | ||||
2004 | Mundiales junior | Grosseto | 100 m pranos | Semifinale | 11"88 | [27] |
4×100 m | 6ª | 45"19 | ||||
2005 | Europeos junior | Kaunas | 100 m pranos | 7ª | 11"96 | [28] |
4×100 m | 4ª | 44"81 | [29] | |||
Mundiales | Hèlsinki | 4×100 m | Bateria | 44"03 | [30] | |
2007 | Europeos under 23 | Debrecen | 100 m pranos | 8ª | 11"89 | [31] |
4×100 m | 4ª | 44"08 | [32] | |||
Universiade | Bangkok | 100 m pranos | 7ª | 11"73 | ||
4×100 m | 5ª | 44"71 | [33] | |||
Giogos mundiales militares | Hyderabad | 4×100 m | Oro | 44"97 | [34] | |
2009 | Europeos indoor | Torinu | 60 m pranos | 8ª | 7"43 | |
Mundiales militares | Sofia | 100 m pranos | 4ª | 11"65 | [35] | |
Giogos de su Mediterràneu | Pescara | 100 m pranos | 6ª | 11"61 | ||
4×100 m | Prata | 43"86 | [36] | |||
Universiade | Belgradu | 100 m pranos | 4ª | 11"55 | [37] | |
4×100 m | Oro | 43"83 | [38] | |||
2010 | Mundiales indoor | Doha | 60 m pranos | Semifinale | 7"49 | [39] |
2011 | Giogos mundiales militares | Rio de Janèiro | 200 m pranos | Semifinale | 24"68 | |
4×100 m | 4ª | 45"08 | [40] |
|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.