From Wikipedia, the free encyclopedia
Su Grand Est (in sardu traduibile Estu Mannu) est una de sas regiones de Frantza. Est istada istituida su 1 de ghennàrgiu 2016 a fatu de sa reforma territoriale de su 2014, fundende sas pretzedentes regiones Alsàtzia, Champagne-Ardennas e Lorena. At assùmidu, cun custa fusione, su nùmene provisòriu de Alsace-Champagne-Ardenne-Lorraine. De su 30 cabudanni 2016, a pustis de s'aprovatzione a banda de su guvernu, at pigadu sa denumenatzione currente.
Artìculu in LSC
Est partzida in deghe dipartimentos e su cabulogu suo est Istrasburgu. Is tzitades printzipales de sa regione, a fatu de Istrasburgu, sunt Mulhouse, Metz, Nancy e Reims.
Est assentada in is dipartimentos: Ardennas (08), Aube (10), Marna (51), Arta Marna (52), Meurthe e Mosella (54), Mosa (55), Mosella (57), Bàsciu Renu (67), Artu Renu (68) e Vosges (88). Sa regione cumprendet 200 cantones e 5195 comunas; sa populatzione est de unos 5,5 milliones de bividores.
Su Grand est est s'ùnica regione frantzesa chi cumpartzit sas làcanas cun àteros bator istados: Bèlgiu (Flandes e Vallònia) e Lussemburgu in su norte, Germània a norte (Saarland e Renània-Palatinadu) e a estu (Baden-Württemberg) e Isvìtzera in su sud (cantones Basilea Tzitades, Basilea Campagna, Soleta e Giurat). Est annotamala s'ùnica regione frantzesa a allindare cun prus de duos istados. De paris manera allàcanat fintzas cun tres regiones frantzesas: Artos de Frantza e Ìsula de Frantza in s'ovest e Borgogna-Franca Contea in su sud.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.