![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/23/Asuncion_Montage.jpg/640px-Asuncion_Montage.jpg&w=640&q=50)
Asunción
From Wikipedia, the free encyclopedia
Asunción (nùmene cumpridu in ispagnoluː La Muy Noble y Leal Ciudad de Nuestra Señora Santa María de la Asunción) est sa capitale e sa tzitade prus manna de su Paraguay cun 600.000 bividores, mancari s'àrea metropolitana tèngiat 1,5 milliones de bividores. Est sa sede de su guvernu paraguajanu, su portu internu printzipale suo, e su tzentru industriale e culturale de su paisu. Is indùstrias printzipales sunt sa de crapitas, sa de tessìngiu e sa produtzione de zigarros.
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
campidanesu · logudoresu · nugoresu
![Thumb image](http://upload.wikimedia.org/wikipedia/commons/thumb/2/23/Asuncion_Montage.jpg/320px-Asuncion_Montage.jpg)
![Thumb image](http://upload.wikimedia.org/wikipedia/commons/thumb/7/74/Di%C3%B3cesis_de_Asunci%C3%B3n_Paraguay.svg/640px-Di%C3%B3cesis_de_Asunci%C3%B3n_Paraguay.svg.png)
Asunción fiat fundada su 15 de austu de su 1537 dae Juan de Salazar e Gonzalo de Mendoza. Est una de is tzitades prus antigas de Sudamèrica e est connota che a "Mama de is Tzitades", dae chi sas ispeditziones coloniales pro fundare tzitades noas in su sud fiant essidas dae sa tzitade, includende·nche s'ispeditzione pro sa segunda fundatzione de Buenos Aires.
S'àrea metropolitana sua, narada Gran Asunción, incluet is tzitades de Luque, Fernando de la Mora, San Lorenzo, Lambaré, Mariano Roque Alonso, Nyemby, Capiatá, Limpio, San Antonio, Villa Elisa e Itauguá, chi faghent parte de su Dipartimentu Tzentrale, cosa chi in s'imparis contant 2.128.258 de bividores, cosa chi nde faghet in unu de is 20 conglomerados urbanos prus mannos de Sudamèrica. Sa superfìtzie sua est de 117 km² in sa tzitade, e 1029 km² sa de Gran Asunción.
Asunción est sa sede de is tres poderes de sa Natzione (Esecutivu, Legislativu e Giuditziàriu), e de su portu printzipale subra su riu (Diretzione Generale de duanas), in prus costituit su tzentru culturale de su paisu.
Sa tzitade est cunsiderada una de is capitales prus baratas de su mundu, puru est cunsiderada una de is tzitades prus seguras de sa regione, e dae pagu tempus una de is tzitades prus segura pro imbestimentos, tantis de fraigos comente de servìtzios.[1][2][3][4]
Su 20 de martzu de su 2012, s'Organizatzione Mundiale pro sa Paghe at decraradu Asunción sa «Capitale Mundiale de s'Amistade pro sa Paghe», dae chi est formada dae una populatzione variada meda chi cumpartzit sa pagheintre is culturas e traditziones suas.