Диопсид
From Wikipedia, the free encyclopedia
From Wikipedia, the free encyclopedia
Диопсид — пироксеннар бөлөхтөрүгэр киирэр таас. Химия формулата CaMg(Si2O6). СаО 25,9% ылар, MgO — 18,5%, онтон SiO — 55,6%. Араас өҥнөөх буолуон сөп, онто тимир, марганец, ванадий уонна хром булкаастааҕыттан тутулуктаах. Италияҕа Пьемонт таһыгар фиолет уонна халлаан күөҕэ өҥнөөх таастары хостууллар. Маннык таастары виолан диэн ааттыыллар. Арассыыйаҕа Алтаайга, Сайаан хайаларыгар уонна Байкаал таһыгар булаллар. Изумруудтуу от күөх таастары хромдиопсид дииллэр. Кинилэри өссө «Сибиир изумруудтара» диэн ааттыыллар. Слюдянка өрүс таһыгар көстөр от күөҕэ уонна халлаан күөхтүҥү таастары байкалит дииллэр. Сырдык роза өҥнөөх таастары антохроит дииллэр; сырдык от күөхтэри — лавровит. Кыһыллыҥы хоҥор таастар эмиэ көстөллөр. Индияҕа уонна Бирмаҕа «куоска харахтаах» таастар көстөллөр, хап-хара диопсидтар эмиэ баар буолаллар, кинилэри аналлаах сырдыкка сардаҥатыгар туттахха түөрт сардаҥалаах сулус көстөр (ол астеризм диэн ааттанар).
Бороҥ өҥнөөх эбэтэр олох өҥө суох дьэҥкир таастар эмиэ баар буолаллар.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.