From Wikipedia, the free encyclopedia
Ягер, мад. Eger, лат. Agria, нѣм. Erlau, словац. Jáger — город з правами жупы, административный центер жупы Гевеш.[1][2]
Центер жупы Гевеш
Ягер
мад. Eger
|
Лежить на сѣверѣ Великой мадярской низины в югозападном передгорю Буковых гор. Узел автодорог и желѣзниць. Найблизше летиско — в Будапештѣ, о 98 км на югозапад.[1]
Ягер основав первый мадярскый краль Штефан I. (1000–1038),[1] котрый ту умѣстив и епископство, а од рока 1804 ту умѣщена и резиденция архиепископа.[2]
Монголскый впад до Европы в XIII. сторочу знищив векшу часть города, але пак ту была поставлена твердыня, котра помогла ся оборонити перед впадом Османох в року 1552, але в року 1596 при поновном штурмѣ Османы взяли город и зоставали ту до року 1687. З того часу захранив ся доднесь 35-метровый минарет, выразна доминанта Ягера.[2]
Ягер ся славить своим винарством од XIII. стороча, найславнѣйша мѣстна файта — Bikavér (быча кровь).[2] Од року 1996 в серединѣ юла ту держать рочный музично-винный фестивал Egri Bikavér (Ягерска быча кровь).[1]
Под городом суть прорыты 96 км тунелох, де брали вулканичны туфы на ставбы. Теперь в тых тунелах умѣщены винны пивницѣ, де суть добры условия на вызрѣваня вина.[2] В серединѣ августа держать рочный дегустачный фестивал Szépasszonyvölgyi Fesztivál.
17. октобра славлять день ягерского замка; в тот день вшиткы музеи ту мож навщивити задарь.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.