From Wikipedia, the free encyclopedia
Ужок, — село в Украинѣ, в Закарпатской области, в бывшом (до року 2020) Великоберезнянском районѣ, оддалене о 45 км од бывшого районного центра.[2] По реформѣ року 2020 село належить до Ужгородского району, входить до Ставненской териториалной громады, оддалене од Ужгорода о 84 км.[1]
Село в Украинѣ
Ужок
|
Перва упоминка о селѣ походить з року 1582 з листины, потвержуючой, же властниками села суть Другеты.[3] Хоть Ужок быв основаный в XVI. сторочу, але на зачатку XVII. стороча село вымерло од мора. По часѣ было заселене приходниками з Галичины.[2]
В року 1910 зоз 1045 обывательох Ужка были: 823 Русины, 130 Нѣмцѣ, 62 Мадяре. Подля вѣры: 843 грекокатолици, 125 израелиты, 65 римокатолици.[4]
25. септембра 1914 российска армада прорвала ся через Ужоцкый просмык до Мадярщины, але уже 4. октобра была выбита назад. Ещи мѣсяць ся тягли тяжкы бои, в котрых оборонцѣ стратили 20% своих воякох.[5]
В боях были розбиты ужоцкы купелѣ, модерный балнеологичный курорт, котрый мав два домы з купелями (28 кабин), пять бунгаловох (60 цимрѣ), залы на шведску гимнастику, парк з фонтанов во формѣ фигуры Геркула, што ся бие з гидров. Тота фигура, зготовлена в року 1842, ся заховала и стоить днесь во дворѣ Ужгородского замку. В медживойновой, чехословацкой добѣ купелѣ были часточно обновлены и дале выуживали 7 мѣстных минералых жерел (три на питя, четыри на купелѣ), а тыж быв выбудованый готел Шпорт (в Другой свѣтовой войнѣ знищеный) на выхоснованя барз вгодных околичных теренох про лыжованя и туристику.[6]
В року 1930 Ужок мав 1147 обывательох, з них были: 975 Русины, 72 Евреи, 62 Чехы и Словаци, 7 Мадяре, 31 чужоземцѣ. Грекокатолицка громада числила 974 вѣрникы. В селѣ была русинска школа (3 класы) и чешска (1 класа); жандарска станиця и мытниця (т. зв. финанцы).[6]
В року 1944 в околици села на желѣзници Жорнава—Ужок успѣшны диверзии чинили партизаны оддѣлу О. В. Тканка. 16. октобра 1944 село выслободив од фашистох 18. стрѣлецкый корпус Червеной армады. З тым ся зачала писати украинско-совѣтска история села. В року 1969 в селѣ жили 1023 особы, была восямрочна школа, клуб и двѣ библиотекы. Селяне ся занимали овчарством и култивовали кромплѣ.[2]
Деревляна шатрова тризрубна церква XVIII. стороча (хранена державов),[2] свѣтова дѣдовизна UNESCO.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.