Тревир

Тревир (Тревір), нѣм. Trier, фр. Trèves — город в ФРГ, во федералной землѣ Райнланд-Фалц, в окрузѣ Тревир-Заарбург, на граници з Луксембургом, на пограничной рѣцѣ Мозели.^[1] Тревир — найстаршый город ФРГ. Назва Тревир — середновѣка славянска назва.

Найстаршый город Германии Тревир нѣм. Trier, фр. Trèves Застава Герб Давны назвы Treuorum, 4. ст. до РХ Держава ГерманияГермания Федерална земля Райнланд-ФалцРайнланд-Фалц Округ Тревир-Саарбург Город на правах округа Тревир Координаты 49.766667, 6.6549°46′00″ с. ш. 6°39′00″ в. д.49.766667° с. ш. 6.65° в. д. (G) (O) (Я) Розлога 117,13 км² Надморска вышка 124-427 м Обывательство 114 914 особ (2015) Часова зона UTC+1, влѣтѣ UTC+2 Телефонный код +49 0651 Поштовый индекс 54290, 54292–54296 Официалный сайт нѣм. Тревир

Тревир з воздуха

Пяцове намѣстя в Тревиру

История

В 1. ст. до н. е. Тревир быв римскый военскый табор, закладеный на мѣстѣ святыни галлского племени Треверох, позднѣйше главный город римской провинции Белгика. При Диоклетиану (284—305) — главный город префектуры Галлия, една из четырьох столиць Римской империи.^[2][1]

В 9. ст. став ся центром архиепископства. В другой половцѣ 12. ст. достав городске право.^[2]

В року 1794 Тревир прилученый ку Франции, в 1814—15 — ку Пруссии. В револучной добѣ 1848—49 быв центром демократичного руху Ринской провинции.^[2]

По 1. свѣтовой войнѣ рр. 1914—18 окупованый до року 1930 французскым и америцкым войском. По 2. свѣтовой войнѣ рр. 1939—45 припадав ку французской окупачной зонѣ. Од року 1949 в ФРГ.^[2]

Историчны памятникы

Захранили ся римскы ставбы — амфитеатр (около р. 100), императорскы термы (около 300), городскы ворота (Porta Nigra, зачаток 4. ст.), базилика (4. ст.) и много цѣнных будов середновѣку и нововѣку.^[2][1]

Днешность

Потравиновый, догановый, текстилный, обувный промысел, машинарство, продукция металовыробкох, електронных апаратох. Центер района винарства.^[2][3]

Универзита од року 1473, заникла в року 1798, обновлена в рр. 1970-1975.^[1]

Вызнамны особы

• Карл Маркс, в городѣ доступный дом-музей Карла Маркса.

Жерела и одказы

• Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6.
• Trier. Germany. //Encyclopaedia Britannica.
• Трир (город в ФРГ). //Большая Советская Энциклопедия.
• Официалный сайт нѣм.

Референции

1. Encyclopaedia Britannica.
2. Большая Советская Энциклопедия.
3. Трёшников А.Ф.