From Wikipedia, the free encyclopedia
Пражский грош, чеш. Pražský groš, нѣм. Prager Groschen, лат. Grossus Pragensis — стрѣберна монета, кована за чешского краля Вацлава II. (1271–1283–1305) од року 1300 на основѣ монетарной реформы, выпрацованой италианскыма правниками и банкарями. В своей добѣ монета была широко хоснованов формов валуты в Середной Европѣ.[1] Поширила ся ай на Выходну Европу а была основным платным средством на украинскых землях в XIV.–XV. ст.[2]
| ||
Горѣ лице, долу рубы |
Пражскый грош ся ковав в монетарни Валашскый двор в Кутной Горѣ. На лицьови монеты были два концентричны написы: внуторный — WENCEZLAVS SECVNDVS (Вацлав Другый) и внуторный — DEI GRATIA REX BOEMIE (з Божой милости краль чешскый). На рубах быв выбитый чешскый лев в цѣлом поли, обколесеный написом GROSSI PRAGENSES (грошѣ пражскы, в множинѣ). Такы монеты ся ковали од року 1300 до року 1547, а за краля Вацлава II. обсяг стрѣбра ся держав в межах 0,933–0,922. Монетарна реформа была допроводжена законом, котрым ся дозволяв обѣг стрѣбра лем во формѣ кованых монет. За далшых кральох монета задержала свою вонкашность, лем ся мѣняло имя пановника. Але уже зачавши од краля Яна Луксембургского (1296–1310–1346) помалы ся знижать обсяг стрѣбра, за Йиржи Подебрадского (1420–1458–1471) сягать свого минимума 0,563–0,428 и около того зоставать практично до конця своей емисии. В добѣ гуситскых войн (1419–1434) кованя пражского гроша было дочасно заставлене, а цѣлком перестало в року 1547, коли Фердинанд I. Габсбург (1503–1526–1564) дав намѣсто той монеты бити стрѣберный талярь. Авшак пражскый грош и дале зоставав платничым средством аж до року 1644, коли Фердинанд III. Габсбург (1608–1637–1657) своим патеншом скончив его обѣг.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.