академичный малярь From Wikipedia, the free encyclopedia
Орест Дубай ст. (* 15. август 1919, Великы Поляны – † 2. октобер 2005, Братислава) — академичный малярь, еден з найвызнамнѣйшых русинскых графикох XX. стороча в Словакии.[1]
| Орест Дубай | |
|---|---|
| слов. Orest Dubay | |
 | |
| Чинность | малярь, професор |
| Горожанство | Чеськословеньско, Словеньско |
| Уроджѣня | авґуста 15., 1919 |
| Великы Поляны, Чехословакия | |
| Упокоеня | октобра 2., 2005 (86 р.) Братислава, Словакия |
| Ошкола | Мукачівська гімназія |
| Праца | Универзита Коменского в Братиславѣ, Братиславская высшая школа изобразительных искусств |
| Діти | (2) Орест Дубай (художник) |
| Награды | |
| Народний артист Чехословаччини | |
| VIAF:76348551; GND:122537513; LCCN:n88181124; FAST:1964750; BNF:12117306d; NLKR/NLC:jn20000601402; GKG:/g/120nqjc4;
| |
Орест Дубай родив ся в днесь неекзистуючом селѣ Великы Поляны, што было в окресѣ Снина, а в року 1981 было евакуоване з причины выставбы водного дѣла Старина. Учив ся на Мукачовской русской гимназии, пак в роках 1939–1943 продовжовав зоз штудиями рисованя на Словацкой высокой школѣ техничной в Братиславѣ (Slovenská vysoká škola technická v Bratislave — SVŠT), на оддѣлѣню вытварного умѣня и рисованя.[1]
В року 1948 выучовав вытварне умѣня на педагогичной факултѣ Универзиты Коменского в Братиславѣ, а в роках 1949–1984 на Высокой школѣ вытварных умѣнь (VŠVU) в Братиславѣ, котрой в роках 1968–1971 быв ай ректором. В року 1964 став ся честным членом Флорентийской Академии Умѣня (Accademia Fiorentina Delle art). В року 1977 быв вызнаменаный званьом Народный умѣлець, а тыж добыв Grand Prix на Биеннале словацкого графичного умѣня в Банской Быстрици. В року 1981 признана му награда Ex aeguo в конкурзѣ модерной словацкой графикы в Банской Быстрици.[2]
Побрав ся з Аннов Вышнов (*1920–†2013), а мали двох сынох: Ореста Дубая, маляря, и Юрая Дубая, архитектора.
Найвеце познатый своима графичныма дѣлами и книжныма илустрациями. Меджи знамыма суть In memoriam Tokajík 19.XI.1944 (1949), илустрации в книжцѣ поезий Богдана-Игоря Антонича, мозаикы в шпиталю в Бардѣйовѣ, декоративне скло про Chemko Strážske, композиции на фасадѣ будовы пивовару во Великом Шаришу, таписерии на Братиславском замку. В роках 1988 аж 1989 подаровав велику колекцию зоз майже 800 своих робот Вигорлатскому музею в Гуменном, што тогды было еще Крайознавчым музейом, яко дар родному краю. Од року 1994 музейна галерия несе честну назву Галерийна сѣнь Ореста Дубая.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
