Нушател

Нушател, фр. Neuchâtel — город з обывательством над 33 тыс. особ (2018) в Швайцу, в округу Нушател, административный центер кантона Нушател.^[1]

Город в Швайцу Нушател Neuchâtel Герб Штат ШвайцШвайц Кантон НушателНушател Округ Нушател Мер Fabio Bongiovanni Координаты 46.990278, 6.93055646°59′25″ с. ш. 6°55′50″ в. д.46.990278° с. ш. 6.930556° в. д. (G) (O) (Я) Розлога 30,08 км² Надморска вышка центра 434 м Обывательство 33 475[1] особ (2018) Часова зона UTC+1, влѣтѣ UTC+2 Телефонный код +41 31 Поштовый индекс 2000 OFS Nr 6458 Нушател

Нушателскый замок;
днесь сѣдло администрации кантона и архив

Полога

Лежить на западѣ штату, на сѣверозападном березѣ озера Нушател, в устю рѣкы Сейон, часточно на убочах горы Шомон (1087 м н. м.), а часточно на землях, одвойованых од озера.^[2] Оддаленый о 25 км од французской границѣ.^[3]

История

Перва упоминка походить з року 1011, од року 1214 достав права вольного города. В року 1406 вступив до вѣчного союза зоз кантоном Берн. В роках 1512–1529 быв окупованый швайчарскым войском, и в том часѣ векшина обывательох прияла калвинску вѣру. Подля Вестфалского миру (1648) грофство Нушател достало статус суверенного княжества, а од року 1707 по династичном спорѣ перешло под владу прусского краля. В року 1815 Нушател вступив до Швайчарской конфедерации, в року 1848 выголосив републику, в року 1857 прусскы монархы одказали ся од претензий на Нушател.^[3]

Култура и наука

Нушател надзвычайно богатый на културны и архитектурны памяткы. Научны и културны инштитуции: Нушателска универзита, основана в року 1838 як академия наук, Инштитут физикы, Нушателскый инштитут микротехнологий (IMT), Швайчарскый центер електроникы и микротехнологий (CSEM), Швайчарска лаборатория годинарства, археологичный музей (2001), етнографичный музей, публична универзитна библиотека (1835), Центер умѣня (1995), Центер Ф. Дюрренматта (2000), иншы музеи.^[2][3]

Каждорочны фестивалы:^[3]

• марец — карневал Нушатела
• юн–юл — меджинародный филмовый фестивал фантастикы
• септембер — фестивал винарства
• октобер — швайчарскый годинковый ярмарок

Жерела и одказы

• Ständige Wohnbevölkerung nach Staatsangehörigkeitskategorie Geschlecht und Gemeinde; Provisorische Jahresergebnisse; 2018. Federal Statistical Office. 9 April 2019. https://www.bfs.admin.ch/bfs/de/home/statistiken/bevoelkerung.assetdetail.7966022.html. [перевірено 2021-01-04].нѣм.
• Neuchâtel. Encyclopædia Britannica. July 31, 2013. https://www.britannica.com/place/Neuchatel-Switzerland. [перевірено 05.01.2021].англ.
• П. С. Павлинов, В. Н. Стрелецкий, И. С. Филиппов (2020). НЕВШАТЕ́ЛЬ. Большая российская энциклопедия. https://old.bigenc.ru/geography/text/5703975. [перевірено 05.01.2021].русс.

Референции

1. Ständige Wohnbevölkerung nach Staatsangehörigkeitskategorie Geschlecht und Gemeinde; Provisorische Jahresergebnisse; 2018
2. Encyclopædia Britannica
3. П. С. Павлинов, В. Н. Стрелецкий, И. С. Филиппов