From Wikipedia, the free encyclopedia
Нормане, англ. Normans, фр. Normands, лат. Nortmanni / Normanni циже сѣверны люде — западноевропска назва тых викингскых племен, котры в середновѣку добыли розличны територии в Европѣ.[1]
Были то поганскы пираты шкандинавского походжѣня, котры чинили напады на европскы берегы од VIII. стороча. В середновѣкой западной Европѣ нелегко было найти великый и богатый город, котрый бы хоть лем еден раз не быв спустошеный нима. Настало ся осадили в устю и долном току Сейны около року 900, а в року 911 краль Шарл III. Простодушный даровав им Руан з околицьов, де они основали герцогство Нормандия. Нормандскы герцогы прияли христианство и французскый язык, але зостали при своей бетярской и добывательской натурѣ. В XI. сторочу они захватили Англию (1066).[1][2]
Они брали участь в крижарскых войнах, в Левантѣ створили Антиохийске княжество (1098), едну з первых крижарскых держав, колонизовали южну Италию и Сицилию и створили там свое кральовство (1130).[1][2]
Нормане были добры мореплавцѣ свого часу. Они досягли Шетландскы и Фарерскы островы, пак объявили и заселили «ледову» Исландию. Одты в X. сторочу Эйрик Рыжый поплавав на запад и объявив дотогды непознату землю, котру назвав «зеленов земльов» — Гренландом — погадавши на то, же така назва прилакомить там переселенцьох. Пак, около року 1000, сын Эйрика Лейв Эйриксон насмѣлив ся ити ещи дале и по довгой плавбѣ трафив на берегы Сѣверной Америкы. На островѣ Нюфаундленд при берегах Сѣверной Америкы Нормане основали осаду, правда, ненадовго. Уже в XX. сторочу остаткы той осады роскопали археологы. Лейв Эйриксон быв первым европаном, што побывав в Новом Свѣтѣ за 500 рокы до Колумба.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.