From Wikipedia, the free encyclopedia
Малярство — конарь вытварного умѣня, котрый створюе образы з помочов фарб, наношованых на полотно, або даякый иншый поверх.[1]
Малярство — важне средство умѣлецкого зображованя и толкованя реалности, оддѣйованя на думкы и чувства реципиента, несе в собѣ вызнамный социалный обсяг и рознородны идеологичны функции. Идейный задум малярского дѣла конкретизуе ся в темѣ и сюжетѣ и втѣлять ся з помочов композиции, рисунка и колорита. Монохромне малярство (едным фарбовым тоном або одтѣнками едного тона) и система взаимозвязаных фарбовых тонох (фарбова гама), немѣнна локална фарба и перемѣны тона (полутоны, переходы, одтѣнкы), указуючы роздѣлы в освѣтленю предметох и в их полозѣ в просторѣ, рефлексы, указуючы взаимодѣю различно офарбеных предметох; общый фаребный тон дозвалять зображовати предметы в едности зоз окружѣньом, валоры створюють найтоншы градации тона; на прямом штудированю натуры основане адекватне зображѣня природного свѣтла и доятя окружѣня (пленер).[1]
Жанры малярства: историчне, бытове, баталне, портрет, пейзаж, натюрморт и др. Розличують монументально- декоративне малярство (настѣнны мальбы, плафоны), диорам и панорама, декорацийне малярство(театралны и кинодекорации), декор, ужиткове малярство, малярство икон, малярство миниатюр (илустрованя рукописей, портрет).[1][2]
Традичны техникы: олеомальба, фреска (суха и мокра), темпера, клейова мальба, воскова мальба, смалт, мальба керамича, силикатныма, синтетичныма фарбами, мозаика, витраж; акварел, гуашова мальба, пастел, туш.[1][2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.