From Wikipedia, the free encyclopedia
Илиа́да, дгр. Ἰλιάς — найдавнѣйшый в цѣлости захраненый литературный памятник Старовѣкой Греции, епична поема, автором котрой ся поважуе Гомер. Обсягом поемы е епизода из круга подѣй Троянской войны.[1]
Илиада | |
---|---|
Ἰλιάς | |
Автор | Гомер |
Держава | Старовіка Греция |
Язык | давногрецкый |
Темы | война, пригоды |
Жанер | геройскый епос |
Датум появы |
IX. стороча до н. е. |
Илиада на Викискладѣ |
Назва походить од иншого поименованя Трои — Илион[2] дгр. Τροία, Ίλιον, лат. Trōia, Īlium. Поема складена зоз 24 спѣвох и обсягуе около 16 000 дактиловых гекзаметрох, але тото роздѣлѣня на спѣвы не е авторске: сама поема походить найвѣроятнѣйше з половкы IX. стороча до н. е.,[3] а роздѣлѣня было додане, очевидно, в II. сторочу до н. е. и число 24 выбране, понеже таке число букв грецкого алфавита.[1]
В первом з 24 спѣвох наставать спор меджи Агамемноном, найвысшым велительом грецкых войск, котры уже 10 рокы ся усилують добыти Трою (Илион) а меджи Ахилом, найодважнѣйшым грецкым бойовником, зато же Агамемнон одняв му його военну корысть — найлюблену рабыню Брисеиду. Зато Ахил дале не бере участь в боях. Тот «Ахилов гнѣв» чинить главный конфликт Илиады. Бои при Трои дале помалы ся тягнуть. Поступно в далшых епизодах суть представлены найлѣпшы ноблесны бойовници в грецком и троянском войсках а суть описаны их премногы давны бойовы походы и припоминаны иншы митологичны подѣи. Трояне помалы зыскують перевагу, а заставить их лем Ахилов приятель Патрокло, котрый ся замаскуе Ахиловым вызбройом. Коли найодважнѣйшый троянскый бойовник Гектор в бою забие Патрокла, Ахил рѣшать, же мусить ся за смерть свого приятеля помстити. Вступить до бою и зажене троянске войско назад за муры города, забие Гектора а, против всякой етицѣ боя, поглумить ся над його мертволов. Наконець, выдасть ю лем на просьбы Гекторова отця, троянского краля Приама. Погребом Гектора Илиада ся закончуе, а вшиткы описаны подѣи занимають пятдесять еден день.[1]
Гомерова Илиада е найстаршый и найдостойнѣйшый памятник, вытвореный античнов грецков културов. Од античной добы была поважована за взор и заклад выучованя. В поздном середновѣку, коли стала ся она познатов и в Западной Европѣ, указало ся, же про придворне сполоченство добы абсолутизма и католицкого конзерватизма Илиада была недоста «статочна» и «велебна» через безочливе одношѣня ку богам и героям, «вулгарный» штил, «низкы» поровнаня, недостойны епичной поемы. Ани еден з перекладательох Илиады аж до середины XVIII. стороча не одважив ся перекласти тото мѣсто Спѣву XI, 558—569, де троянскый герой Аякс поровнаный з твердоголовым сомаром. Наконець быв Гомер означеный за «людового поета», а в духу Илиады появили ся розличны наслѣдованя. Од XX. стороча Илиада утратила литературну актуалность.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.