Календарный день, в бесѣдѣ часто просто день (розумѣючи 24 годины), або день-ночь — несистемна единка часу, означована d, котра исторично и физикално одповѣдать часу едного обернутя Землѣ довкола своей оси и обсягуе 24 годины по 60 минут кажда, а минута — по 60 секунд кажда, або
В практицѣ хоснують даколько розличных окреслѣнь календарного дня, з котрых найчастѣйше ся поуживать день цивилный, день сонѣчный, день звѣздный або сидеричный.
Цивилный день
Интервал часу меджи двома поступныма проходами сонця через полудник даного мѣста. Обсягуе 24 годины, а дѣлить ся на рано (час по выходѣ сонця), полудне (час кулминации сонця, 12. година мѣстного часу), вечер (час перед западом сонця), полночь (нулта година мѣстного часу). Зачатком цивилного дня ся поважуе полночь.[2]
Поровнаня довгости звѣздного (2) и сонѣчного (3) дня при еднаком напрямѣ орбиталного и властного обертаня
Сонѣчный день
Час едного обернутя Землѣ довкола своей оси, циже интервал меджи двома поступныма кулминациями сонця. Обсягуе цѣлы 24 годины, зачаток сонѣчного дня числять од нултой годины (полночь), а кажда далша година означать поворот Землѣ довкола своей оси на 15°: в 2 годины буде то 30°, в 3 годины 45°, а так дале.
Звѣздный або сидеричный день
Интервал часу меджи двома поступныма кулминациями дакотрой звѣзды. Понеже Земля не лем довкола своей оси, але и довкола Сонця обертать ся, мѣряня односно далекой звѣзды елиминуе вплыв орбиталного руху Землѣ, и довгость звѣздного дня выносить ≈ 23 год. 56 мин. 4 сек.[3]
Дѣлѣня календарного дня на 24 годины походить од Клавдия Птолемея (II. стороча), а дѣлѣня годин и минут на 60 части — од Вавилонии, де ся поуживала шѣстьдесятькова система числѣня.[4]
Обертаня Землѣ довкола своей оси поступно ся спомалять через приплывне тертя, причинов котрого гравитация. Милиард рокы перед нами календарный день мав лем 20 годин, а в року были 438,3 днѣ.[5]
.png)
